پاکستانی وزیراعظم عمران خان نے مستعفی ہونے کیلئے رکھیں 3 شرائط!
پاکستان کے وزیراعظم عمران خان نے استعفیٰ دینے سے قبل تین شرائط رکھی ہیں۔ ان کی شرط ہے کہ انہیں عہدہ چھوڑنے کے بعد گرفتار نہ کیا جائے اور ان پر مقدمہ نہ چلایا جائے
اسلام آباد: وزیراعظم پاکستان نے استعفیٰ دینے سے قبل تین شرائط رکھی ہیں۔ انہوں نے کہا کہ عہدہ چھوڑنے کے بعد انہیں گرفتار نہ کیا جائے۔ نیز شہباز شریف کی بجائے کسی اور کو وزیراعظم بنایا جائے۔ تیسری شرط میں انہوں نے کہا ہے کہ عہدہ چھوڑنے کے بعد ان کے خلاف نیب (قومی احتساب بیورو) کے تحت کوئی مقدمہ درج نہ کیا جائے۔ یہ اطلاع جیو نیوز کے حوالے سے سامنے آئی ہے۔
عمران خان کی تین شرائط:
- استعفیٰ کے بعد گرفتاری نہ ہو
- نیب کے تحت کیس درج نہ کیا جائے
- شہباز شریف کی جگہ کسی اور کو وزیر اعظم بنایا جائے
اس سے قبل عمران خان کے دو وزراء نے ٹوئٹر پر اپنا بائیو تبدیل کر کے خود کو سابق وزراء بتایا تھا۔ عمران حکومت میں وزیر اطلاعات فواد چوہدری اور وزیر خارجہ شاہ محمود قریشی نے اپنا بائیو تبدیل کیا اور خود کو سابق وزرا کے طور پر متعارف کرایا۔
دریں اثنا، اسپیکر اسد قیصر نے قومی اسمبلی میں تحریک عدم اعتماد پر ووٹ دینے سے انکار کر دیا۔ انہوں نے کہا کہ میں تحریک عدم اعتماد پر ووٹ دے کر عمران خان کے ساتھ دھوکہ نہیں دے سکتا۔ انہوں نے کہا کہ میں اس کے لیے ہر قسم کی سزا بھگتنے کے لیے تیار ہوں۔
اپوزیشن کی جانب سے لائی گئی تحریک عدم اعتماد پر آج رات ہونے جا رہی ووٹنگ سے قبل پی ٹی آئی نے سپریم کورٹ کے فیصلے کے خلاف نظرثانی کی درخواست دائر کی ہے۔ خیال رہے کہ عمران حکومت کو دھچکا دیتے ہوئے سپریم کورٹ نے ڈپٹی اسپیکر کا فیصلہ کالعدم قرار دیتے ہوئے قومی اسمبلی میں تحریک عدم اعتماد پر ووٹنگ کا حکم دیا تھا۔