مودی کی حکمرانی میں ملک کے ہر شعبے میں تباہی کا بیچ بویا جارہا ہے۔ محمد شفیع۔ ایس ڈی پی آئی

تروننداپورم: 4/مارچ (پی آر) سوشیل ڈیموکریٹک پارٹی آف انڈیا(SDPI) کیرلا کی جانب سے ملک کی ترقی کے حصول کیلئے درکار 7مطالبات کو لیکرپارٹی ریاستی صدر اشرف مولوی کی قیاد ت میں "جنا منیٹر ا یاترا”کا آغاز گزشتہ 14فروری کو کاسر گوڈ ضلع کے اپالا شہر سے ہوا اور اس یاترا کا اختتامی اجلاس یکم مارچ کو ترونندام پورم میں منعقد ہوا۔ اختتامی اجلاس میں ایس ڈی پی آئی قومی نائب صدر محمد شفیع نے اپنے خصوصی خطاب میں کہا کہ مودی کی حکمرانی میں ملک کے ہر شعبے میں تباہی کا بیج بویا جارہا ہے۔ ملک میں بے روزگاری اور غربت بڑھ رہی ہے۔ شہریوں کی اکثریت آج خوفزدہ ہے۔ بی جے پی اقتدار کو جاری رکھنے کے مقصد سے فرقہ پرستی اور نفرت کے بیج بو رہی ہے۔ حکومت مذہب کو ملک پر مسلط کرنے اور جمہوریت کو سبوتاژ کرنے کی کوشش کر رہی ہے۔ طاقت کا غلط استعمال عروج پر ہے۔ گیانواپی مسجد میں عبادت کی اجازت دینے والے جج کو ہفتوں کے اندر لوک پال مقرر کیا گیا ہے۱۔بابری مسجد پر فیصلہ سنانے والے پارلیمنٹ میں بیٹھے ہیں۔ دوسری طرف، تفتیشی ایجنسیوں کو اپنے مفادات کے تحفظ کے لیے ایک آلہ کے طور پر استعمال کیا جاتا ہے۔ جہاں سنگھ پریوار کے حملہ آور اور مجرم آزاد ہیں، وہیں بے قصور برسوں سے جیل میں ہیں۔دوسری جانب ملک اپوزیشن کی مکمل خاموشی کا منظر دیکھ رہا ہے۔ ملک کو دوبارہ حاصل کرنے کے لیے شہریوں کو جمہوری جدوجہد کے لیے تیار رہنا چاہیے۔

محمد شفیع نے اختتام میں کہا کہ ایس ڈی پی آئی آئین اور جمہوریت کے تحفظ کے لیے عوامی احتجاج کے ذریعے عوام کو بااختیار بنا رہی ہے۔حکومت کی لاٹھی یا بندوق اس جمہوری جدوجہد کو روک نہیں سکتی۔اختتامی اجلاس کی صدارت تروننداپورم ضلعی صدر زیادکنڈالانے کی۔ یاترا کے کپتان اور اشرف مولوی، نائب کپتان تلسی دھرن پالیکل،رائے اراکل، پارٹی ریاستی نائب صدر پی عبدالحمید، ریاستی سکریٹری پی آر سیاد، ریاستی سکریٹریٹ کے رکن اشرف، ریاستی ورکنگ کمیٹی کے رکن ای ایل نسیمہ، ضلع خزانچی شمس الدین اورویمن انڈیا موومنٹ کی ضلعی صدر سبینہ لقمان نے خطاب کیا۔

ریاستی جنرل سیکریٹریان اجمل اسماعیل، پی پی رفیق، ریاستی سیکریٹریان کے کے عبدالجبار، جانسن کنڈاچیرا، کرشنن ایرانجیکل، پی جمیلہ، ریاستی خزانچی ایڈووکیٹ۔ اے کے صلاح الدین، ریاستی ورکنگ کمیٹی کے اراکین، ضلع حلقہ کے عہدیداران، ضلعی حلقہ کے عہدیداران نے یاترا کے کپتان، نائب کپتان، افتتاح کرنے والے اور جلوس کے اراکین کو اعزاز سے نوازا۔

جن منیٹرا یاترا کا انعقاد آئین کا تحفظ،ذات پر مبنی مردم شماری، شہری حقوق مخالف قوانین واپس لینے، سیاسی قیدیوں کی غیر مشروط رہائی، وفاقیت کے اصولوں کا تحفظ، بے روزگاری کا خاتمہ، کسان مخالف پالیسیوں کو درست کرنے کے مطالبات کے ساتھ کیا گیا ہے۔ 14فروری2024 کو کاسرگوڈ اُپالا سے شروع ہونے والا یاترار یاست کے تمام اضلاع کا دورہ کرنے کے بعد ترونندام پورم کے گاندھی پارک میں اختتام پذیر ہوا۔