کرناٹک کے 13 اضلاع میں محکمہٴ موسمیات نے جاری کیا الرٹ، اگلے 48 گھنٹوں میں شدید بارش کا امکان

آئی ایم ڈی نے کہا کہ اگلے 5 دنوں کے دوران پہلے ہی بارش سے متاثرہ تمل ناڈو، پڈوچیری، ساحلی آندھرا پردیش اور کیرالہ میں بھی موسلادھار بارش دیکھی جائے گی۔

انڈیا کے محکمہ موسمیات (آئی ایم ڈی) نے منگل 9 نومبر تک کرناٹک کے 13 اضلاع میں شدید بارشوں کی پیش گوئی کی ہے اور اس سلسلے میں یلو الرٹ جاری کر دیا گیا ہے۔ حکام نے پیر کو بتایا کہ یہ بارش بحیرہ عرب اور خلیج بنگال میں طوفانی دباؤ کی وجہ سے ہوئی ہے۔ بنگلورو میں پیر کی صبح سے ہی بارش ہو رہی ہے۔

آئی ایم ڈی کے مطابق، بنگلورو سٹی، بنگلورو دیہی، چامراج نگر، چکبالا پور، چکمگلور، چتردرگا، ہاسن، کوڈاگو، منڈیا، میسورو، رام نگر اور شیوموگا میں اگلے 48 گھنٹوں میں شدید بارش ہوگی۔

آئی ایم ڈی نے پیر کو کہا کہ اگلے پانچ دنوں کے دوران پہلے سے ہی بارش سے متاثرہ تمل ناڈو، پڈوچیری، ساحلی آندھرا پردیش اور کیرالہ میں بھی موسلادھار بارش دیکھی جائے گی۔ منگل کو تمل ناڈو میں الگ تھلگ بھاری سے بہت زیادہ بارش کا امکان ہے اور 10 اور 11 نومبر، بدھ اور جمعرات کو الگ تھلگ انتہائی موسلادھار بارش کے ساتھ چند مقامات پر بھاری سے بہت زیادہ بارش کا امکان ہے۔ اسی مدت کے دوران جنوبی ساحلی آندھرا پردیش میں الگ تھلگ مقامات پر انتہائی بھاری بارش کے ساتھ بھاری سے بہت بھاری بارش کا بھی امکان ہے۔