وزڈم عربک مدرسہ میں جلسہ تہنیت و تقسیم اسنادات کا انعقاد

بیدر: یکم دسمبر (پریس ریلیز) مولانا ابو طلحہ قاسمی صدر مدرس وزڈم عربک مدرسہ کی پریس نوٹ کے مطابق وزڈم عربک مدرسہ میں ”جلسہ تہنیت و تقسیم اسنادات“ کا پروگرام منعقد ہوا۔ وزڈم عربک مدرسہ کی طالبہ ھدیٰ رابعہ بنت محمد آصف الدین نے اٹھارہ ماہ اور ماریہ بنت محی الدین خان نے دو سال کے قلیل مدت میں نورانی قاعدہ، ناظرہ قرآن اور حفظ قرآن مکمل کیا ہے۔ طلباء کی صلاحیتوں کو پروان چڑھانے کے لیے 5 روزہ تربیتی کورس ”پرسنلٹی ڈیولپمنٹ“ اور اولیاء طلباء کے لیے پانچ روزہ ”آرٹ آف پیرنٹنگ“ منعقد کیا گیا تھا، جس میں بڑی تعداد میں وزڈم اور دیگر ادارہ جات کے طلباء و اولیاء طلباء نے بڑی دلچسپی سے کورس مکمل کیا۔ گزشتہ تین سالوں سے مسلسل Parenting چلائے جا رہے ہیں۔ اس سال کوڈ19- کی وجہ سے آن لائن دس روزہ تربیتی کورس برائے طلباء و اولیاء طلباء منعقد ہوا۔

جناب محمد آصف الدین صاحب سکریٹری وزڈم ادارہ جات نے جلسہ سے خطاب کرتے ہوئے کہا کہ اصل علم وحی الہٰی کا العلم ہے۔ قرآن سائنس، سوشل اور دیگر تمام علوم کا سر چشمہ ہے۔ قرآن علم نافع ہے سائنس جتنی ترقی کرے گا وہ قرآن کے پیغام کو سمجھنے میں مدد کریگا۔ انہوں نے اس سال حفظ کے طلباء کے لیے حفظ قرآن کے ساتھ ساتھ فہم قرآن کا کورس بھی شروع کرنے کا اعلان کیا اور کہا کہ وزڈم انتظامیہ چدری رنگ روڈ پر ایک وسیع زمین خریدی ہے، ان شاء اللہ وہاں بوائز کیمپس شفٹ کردیا جائے گا۔ جناب شہاب الدین صاحب ہائی اسکول ٹیچر بگدل نے اولیاء طلباء کی نمائندگی کرتے ہوئے کہا کہ وزڈم ادارہ جات میں طلباء کے ٹیالنٹ کو پرموشن دینے کے ساتھ ساتھ اولیاء طلباء کے ٹیالنٹ کو بھی پرموشن دیا جاتا ہے۔

اس موقع پر میں جناب محمد آصف الدین صاحب کا شکر گزار ہوں کہ انہوں نے اولیاء طلباء کے ٹیالنٹ کو پروان چڑھانے کا موقع فراہم کیا۔ وزڈم کی کارکردگی بہ نسبت دوسرے اداروں کے بہت ممتاز ہے۔ میرا ذاتی تجربہ ہے کہ میں میٹرک میں 78% لانے والے بگدل کے محمد مستفیض کو اور دیگر دو لڑکیوں کو وزڈم میں ریاعتی فیس پر داخلہ کرایا، نتیجہ یہ رہا کہ محمد مستفیض نے PUC سکنڈ میں 93%حاصل کر کے کالج ٹاپر رہا، آج وہ انجینئر ہیں جبکہ دو لڑکیا ان لڑکیوں کے مقابلے جو دوسرے بڑے کالج میں داخلے لیے تھے ان کے مارکس بھی زیادہ تھے لیکنPUC میں بہت کم نمبرات حاصل کیے اور وزڈم کی یہ دولڑکیاں اعلیٰ نمبرات سے کامیابی حاصل کی۔ یہاں کے۔جی سے لے کر کالج تک کی تعلیم بہت عمدہ ہے۔ دوسرے اسکولوں کے بہ نسبت یہاں فیس بھی بہت کم ہے۔محترمہ حنا کوثر صاحبہ نے آرٹ آف پینٹنگ کے بارے میں اظہار خیال کیا۔ مس شگفتہ صاحبہ نے طلباء کی شخصیت کی ارتقاء کے متعلق اپنے خیالات کا اظہار کیا۔

محترمہ بشریٰ جمال صاحبہ مینجنگ ٹرسٹی کے زیر نگرانی پروگرام کے حسن انتظامات رہے۔”آرٹ آف پیرنٹنگ“ اور ”پرسنلٹی ڈیولپمنٹ کورس“ کے امتحان میں کامیاب ہونے والوں کو سرٹیفکیٹ، میڈل اور انعام سے نوازا گیا۔ شعبہ حفظ قرآن و ناظرہ کے طلباء و طالبات کو حسن کارکردگی سرٹیفکیٹ سے نوازا گیا۔ جلسہ کا آغاز طالبہ آمنہ افرا ء کی تلاوت کلام اللہ سے ہوا۔ طالبہ اقراء تنزیل نے نعت پاک پیش کرنے کی سعادت حاصل کی۔مس زہرہ بیگم نے نظامت کے فرائض بحسن و خوبی انجام دیا۔ محمد صلاح الدین فرحان جوائنٹ سکریٹری نے کلمات تشکر ادا کیا۔ مفتی افسر علی نعیمی ندوی کی دعا پر جلسہ اپنے اختتام کو پہنچا۔ شعبہ حفظ کے دیگر علماء مولانا محمد عارف صاحب اور مولانا محمد شاکر صاحب بھی موجود تھے۔ کثیر تعداد میں طلباء و اولیاء طلباء نے شرکت کی۔