کورونا کو ہرانے کا حل صرف لاک ڈاؤن نہیں ہے، کیا منصوبہ بنا رہی ہے مرکزی حکومت بتائے؟ : راہل گاندھی

ہندوستان میں کورونا وائرس انفیکشن کے درمیان کانگریس لیڈر راہل گاندھی نے ویڈیو کانفرنسنگ کے ذریعہ لوگوں سے خطاب کیا۔ انھوں نے اس دوران کہا کہ گزشتہ 45 دنوں سے ملک میں لاک ڈاؤن جاری ہے اور اس مشکل وقت میں سب سے زیادہ ضروری ہے کہ چھوٹی صنعتوں کو راحت پیکیج دیا جائے اور ساتھ ہی لوگوں تک زیادہ سے زیادہ نقد پہنچایا جا سکے۔ لوگوں کے ہاتھوں میں پیسہ پہنچے گا تو معاشی بحران کا حل نکل جائے گا۔