مرکزی فوجی دستوں پر کورونا کا قہر، 481 جوان انفیکشن کے شکار

مرکزی آرمڈ پولس فورسز یعنی سی اے پی ایف میں کورونا انفیکشن کے معاملے لگاتار بڑھتے ہی جا رہے ہیں۔ تازہ ترین خبروں کے مطابق اب تک نیم فوجی دستوں میں کورونا انفیکشن کے 481 معاملے سامنے آ چکے ہیں۔ بی ایس ایف میں سب سے زیادہ 195 معاملے سامنے آئے ہیں جب کہ سی آر پی ایف میں کورونا انفیکشن کے 159 معاملے سامنے آئے ہیں۔ اسی طرح آئی ٹی بی پی جوانوں میں 82 معاملے جب کہ سی آئی ایس ایف جوانوں میں 32 معاملے کورونا کے اب تک سامنے آئے ہیں۔ علاوہ ازیں ایس ایس بی میں 13 کورونا پازیٹو کیس کی خبریں اب تک سامنے آ چکی ہیں۔