شکاگوکے اپارٹمنٹ میں پڑوسی نےچلائی گولی، 4 افراد ہلاک

شکاگو: امریکہ کے شکاگو میں سنیچر کی رات ایک اپارٹمنٹ میں گولہ باری میں چار لوگوں کی موت ہوگئی اور ایک شخص سنگین طور سے زخمی ہوگئے۔ مقامی میڈیا نے پولس کے حوالے سے بتایا کہ حملہ آور کی شناخت 67 سالہ تعمیری مزدور کے طور پر ہوئی ہے جو گزشتہ 15 برسوں سے یہاں واقع تین منزلہ عمارت میں رہ رہا تھا۔ وہ کل رات اپنے اپارٹمنٹ سے نکل کر پڑوس کے اپارٹمنٹ میں گیا اور چار لوگوں کو گولی مار کر ہلاک کردیا۔ گولی باری میں تین مرد اور ایک خاتون کی موت ہوگئی۔

اس کے بعد حملہ آور ایک دیگر اپارٹمنٹ میں داخل ہوا اور وہاں بھی ایک خاتون کو گولی مار دی۔ خاتون کی حالت سنگین ہے اور وہ اسپتال میں بھرتی ہے۔ پولس نے ملزم کو حراست میں لے لیا ہے اور اس کی بندوق بھی ضبط کرلی گئی ہے۔ پولس نے بتایا کہ ملزم کا اپنے پڑوسیوں کےساتھ پہلے سے جھگڑا چل رہا تھا۔