ملک کی سلامتی و تحفظ کے لئے سمندر سے لے کرخلاء تک اپنی طاقت کا استعمال کریں گے: وزیراعظم نریندرمودی

نئی دہلی: وزیر اعظم نریندر مودی نے آج کہا کہ ملک کی سلامتی ناقابل شگاف ہے اور وہ اپنے مفادات کے تحفظ کے لئے سمندر سے لے کر خلا تک اپنی طاقت کا استعمال کریں گے اور نہ کسی کے دباؤ میں نہیں جھکیں گے، نہ اثر میں آئیں گے اور نہ ہی کسی فقدان کو اس میں آڑے آنے دے گا۔

 کارگل فتح کی بیسویں سالگرہ کے موقع پر یہاں اندرا گاندھی اسٹیڈیم میں منعقد پروگرام میں چراغ روشن کرکے افتتاح کرنے کے بعد مسٹر مودی نے کہا کہ ہندوستان بحری، بری اور فضائیہ میں اپنی سب سے زیادہ قوت کو حاصل کرنے کی کوشش کر رہا ہے۔ اس نے جوہری آبدوز اریهنت کے ذریعے جوہری مثلث مکمل کیا ہے اور اینٹی اسپیس میزائل کا کامیاب تجربہ کرکے خلا میں بھی اپنی رسائی میں اضافہ کیا ہے۔

ہندوستان اپنے مفادات کی حفاظت کے لئے سمندر سے لے کر خلا تک اپنی طاقت استعمال کرتا رہے گا اور اس سلسلے میں وہ نہ کسی کے دباؤ میں آئے گا، نہ ہی کسی کے اثر میں اور نہ ہی فوج کو کسی چیز کی ہونے دے گا۔ دباؤ کی پرواہ کئے بغیر فوج کے جدید اقدامات اٹھائے جاتے رہیں گے۔

انہوں نے کہا کہ فوج کے جدید کاری کے لئے میک ان انڈیا کے تحت کام چل رہا ہے اور اس میں نجی شعبے سے بھی تعاون حاصل کیا جا رہا ہے۔ سرمایہ کاری میں اضافہ کیا جا رہا ہے اور ضرورت کے جدید ہتھیاروں کو بھی خریدا جا رہا ہے۔