کرناٹک میں رات کے کرفیو کا امکان، CM بسواراج بومائی کی اتوار کو ہوگی ماہرین کے ساتھ میٹنگ

بنگلورو: 25/دسمبر- کرناٹک کے وزیراعلی بسواراج بومائی اتوار کو ماہرین کے ساتھ ایک میٹنگ کریں گے تاکہ اومیکرون  قسم کے پھیلاؤ کو کنٹرول کرنے کے اقدامات پر تبادلہ خیال کیا جا سکے۔ بومئی نے کہا ہے کہ میٹنگ میں فیصلہ کیا جائے گا کہ آیا ریاست میں رات کا کرفیو لگانا چاہیے۔

وزیراعلی بومائی نے کہا کہ “پڑوسی ریاستوں مہاراشٹر، کیرالہ اور تمل ناڈو میں Omicron کے کیسز کی تعداد بڑھ رہی ہے۔ یہ تشویش کا باعث ہے۔ اتوار کو ماہرین کے ساتھ ایک میٹنگ کی جائے گی تاکہ صورتحال پر تبادلہ خیال کیا جا سکے اور مناسب اقدامات کا فیصلہ کیا جا سکے”

واضح رہے کہ کرناٹک میں جمعہ کو 405 نئے کوویڈ 19 کیسز اور 4 اموات کی اطلاع ملی۔ ریاست میں اب 7,251 ایکٹیو کیسز ہیں۔ ریاست میں اب تک اومیکرون کے 31 کیسز کا پتہ چلا ہے۔