کرناٹک: دلت نوجوان کو پیشاب پینے پر مجبورکرنے کے الزام میں سب انسپکٹر گرفتار
بنگلورو: 3/ستمبر- کرمنل انویسٹی گیشن ڈیپارٹمنٹ (سی آئی ڈی) نے بدھ کی رات پولیس سب انسپکٹر (پی ایس آئی) ارجن کو گرفتار کیا جس نے ایک دلت نوجوان کو اس سال مئی میں موڈیگیری تعلقہ کے گونی بیڈو پولیس اسٹیشن میں ایک قیدی کا پیشاب پینے پر مجبور کیا تھا۔
تفتیش سی آئی ڈی کے سپرد کی گئی اور پولیس سپرنٹنڈنٹ روی ڈی چنننور کی قیادت میں ایک ٹیم جس نے ڈائریکٹر جنرل پولیس بی ایس سندھو کی رہنمائی میں تحقیقات شروع کی نے ارجن کو گرفتار کیا۔
پولیس ذرائع نے بتایا کہ ارجن کو بدھ کی رات بنگلورو سے گرفتار کیا گیا اور جمعرات کی صبح اسے عدالت میں پیش کیا گیا جس نے سی آئی ڈی حکام کی جانب سے مزید تفتیش کے لیے اسے عدالتی تحویل میں بھیج دیا۔