ملک کو بچانے کیلئے کسان ہر قربانی دینے کو تیار ہے: راکیش ٹکیت

زرعی قوانین کے خلاف کسانوں کے مہینوں سے جاری مظاہرہ کی قیادت کر رہے کسان لیڈر راکیش ٹکیت نے ایک ٹوئٹ کیا ہے جس میں لکھا ہے کہ ’’ملک کو بچانے کے لیے کسان ہر قربانی دینے کو تیار ہے۔‘‘ راکیش ٹکیت کا یہ بیان ہریانہ میں کسانوں پر ہوئی لاٹھی چارج سے جوڑ کر دیکھا جا رہا ہے جہاں پرامن مظاہرہ کر رہے کسانوں پر پولیس نے بربریت والی کارروائی کی جس میں درجنوں کسان زخمی ہو گئے۔

ہریانہ میں جان بوجھ کر کسانوں کا سر پھوڑا گیا: راکیش ٹکیت

گزشتہ روز ہریانہ میں کسانوں پر ہوئی ظالمانہ لاٹھی چارج کے تعلق سے کسان لیڈر راکیش ٹکیت نے ایک بیان دیا ہے جس میں کہا ہے کہ یہ سب کچھ جان بوجھ کر کی گیا۔ کسان لیڈر راکیش ٹکیت نے غازی آباد واقع لونی میں کسان مہاپنچایت سے خطاب کرتے ہوئے کہا کہ ’’افسر ہونے کے بعد بھی حکم دے رہا ہے کہ سر پھوٹے بغیر کوئی نہیں جانا چاہیے۔ اس کی فیملی اور وہ آر ایس ایس سے جڑے ہیں۔ جان بوجھ کر کسانوں کا سر پھوڑا گیا، ہڈیاں توڑی گئیں۔‘‘