مہنگائی سے پریشان عوام کوایک اور جھٹکا، یکم جولائی سے ’دودھ‘ بھی ہوگا مہنگا

نئی دہلی: کورونا بحران میں پہلے سے ہی مہنگائی کی مار برداشت کر رہے عام آدمی کو ایک اور بڑا جھٹکا لگا ہے۔ آسمان چھو رہی ڈیزل-پٹرول کی قیمتوں کا اثر اب دیگر خوردنی اشیاء پر بھی نظر آنے لگا ہے۔ یکم جولائی یعنی جمعرات سے ’امول دودھ‘ 2 روپے فی لیٹر مہنگا ہو جائے گا۔ کل سے ہی ملک کی سبھی ریاستوں میں امول دودھ 2 روپے مہنگا فروخت ہوگا۔ نئی قیمتیں یکم جولائی 2021 سے نافذ ہو جائیں گے۔ گجرات، دہلی، پنجاب کے گاہکوں پر اس کا زیادہ اثر پڑے گا۔