کرناٹک: کورونا کیسوں کا دیہی علاقوں میں اضافہ، چیف منسٹر گرام پنچایتوں سے بات کریں گے کل

منگل کو وزیر اعلی داخلہ بسوراج بومائی نے کہا کہ “کل وزیر اعلی ویڈیو کانفرنس کے ذریعہ منتخب گرام پنچایتوں سے بات چیت کریں گے۔”

بنگلورو: 25/مئی (اے این این) وزیر داخلہ کرناٹک بسوراج بومائی نے آج کہا کہ “کرناٹک کے دیہی علاقوں سے کوویڈ 19 کے تازہ ترین واقعات کی بڑھتی ہوئی تعداد کی اطلاع ملنے کے بعد چیف منسٹر بی ایس یدیورپا بدھ کے روز ویڈیو کانفرنسنگ کے ذریعہ منتخبہ گرام پنچایتوں سے بات کریں گے۔”

انہوں نے نامہ نگاروں کو بتایا کہ بنگلورو جیسے شہروں میں COVID-19 کنٹرول میں آرہا ہے، لیکن حکومت کی توجہ اب دیہی علاقوں پر مرکوز ہے اور اسی وجہ سے ضلعی انتظامیہ کو مقامی طور پر لاک ڈاؤن پر عمل درآمد سمیت بڑی ذمہ داری سونپی گئی ہے۔

بومائی نے کہا کہ حکومت نے ریاست کے دیہی علاقوں میں وائرس کے پھیلاؤ پر قابو پانے کے لئے متعلقہ حدود کے پنچایت ترقیاتی افسران، صحت افسران اور پولیس افسران کو یہ ذمہ داری سونپی گئی ہے۔

انہوں نے وضاحت کی حکومت نے تمام ضلعی انتظامیہ سے کہا ہے کہ وہ متاثرہ افراد کے ابتدائی اور ثانوی رابطوں کی جانچ کریں اور بنیادی رابطوں کو وٹامن اور زنک کی گولیاں فراہم کریں۔ انہوں نے مزید کہا کہ ڈاکٹروں کو دیہی علاقوں میں جانے کو یقینی بنانے کے احکامات بھی جاری کیے گئے ہیں۔