بنگلورو: کورونا مریض کو1 لاکھ 20ہزار کے عوض بیڈ فراہم کرنے والے 3 افراد گرفتار

بنگلورو: 6/مئی (اے این این) سنٹرل ڈویژن پولیس نے ایک نجی اسپتال میں بستر بند کرنے کا مقدمہ درج کیا اور 3 افراد کو گرفتار کیا، جن میں سے ایک آروگیہ میترا ہے، جس نے مبینہ طور پر ایک COVID-19 مریض کے بیٹے سے 1 لاکھ 20ہزار روپیے لیا تھا۔

پولیس کے مطابق، مریض لکشمی دیوما کو حال ہی میں نیلمنگالا کے ایک نجی اسپتال میں داخل کرایا گیا تھا۔ تاہم، اس کی حالت مزید خراب ہوگئی اور اسے آئی سی یو بستر کی ضرورت تھی۔ انہوں نے بتایا کہ انہیں گورگونٹپلیا کے قریب ہی پیپل ٹری اسپتال لے جایا گیا، جہاں پر انہیں بتایا گیا کہ یہاں کوئی بستر خالی نہیں ہے۔ 

ایک پولیس افسر نے بتایا کہ جب اس کا بیٹا بستر لینے کی کوشش کر رہا تھا اس دوران اسپتال کے 2 ملازمین کارڈیک ٹیکنیشن وینکاٹا سبباراؤ اور مارکیٹنگ کے ایگزیکٹو منجو ناتھ چندرو اس کے پاس آئے اور ایم ایس رامیاہ اسپتال میں قیمت کے عوض بیڈ کی پیش کش کی۔

تیسرے ملزم پُنیتھ ، ایم ایس رامیاہ اسپتال میں ایک آروگیہ مترا کے ساتھ کام کرتا ہے، جس نے بیمار خاتون کے بیٹے سے 1 لاکھ 20ہزار روپیے کا مطالبہ کیا۔ تب اس مریض کے بیٹے نے گوگل پے کے ذریعہ 50,000 ₹ اور نقد 70,000 ₹ کی منتقلی کی، جس کے بعد مریض کو ایم ایس رامیاہ اسپتال میں بستر الاٹ کیا گیا۔ تاہم، لکشمی دیوما کی کچھ ہی گھنٹوں بعد 29/ اپریل کو موت ہوگئی۔

اس واقعہ کا انکشاف اس وقت ہوا جب اہل خانہ نے ہنگامی ٹیلیفون نمبر 112 پر فون کیا۔