کرناٹک میں لاک ڈاوٴن سے متعلق مودی کی ہدایت کا انتظار کررہے ہیں سی ایم یدی یورپا

“ہم مرکز کی جاری ہدایت پر عمل کریں گے۔”

بنگلورو: 6/مئی- کرناٹک کے وزیر اعلی بی ایس یدی یورپا نے کہا کہ وبائی مرض پر قابو پانے کے لئے ریاست میں اگلے اقدامات کا فیصلہ کرنے سے پہلے ریاستی حکومت وزیر اعظم نریندر مودی کی ہدایت کا انتظار کر رہی ہے۔

اس سوال پر کہ کیا کرناٹک پابندیوں کو مزید سخت کرنے کے خواہاں ہے؟ کیوں کہ جنتا کرفیو کے ایک ہفتے کے باوجود توقعات کے مطابق معاملات نہیں ہٹ رہے ہیں۔ انہوں نے مزید کہا ، “ہمیں مسٹر مودی کی ہدایت کا انتظار کررہے ہیں اور ہم مرکز کی رہنما خطوط کی بنیاد پر مناسب کاروائی کریں گے۔”

سی ایم یدی یورپا بدھ کے روز سابق وزیراعلیٰ کے سی ریڈی کی 119 ویں یوم پیدائش تقریب میں شرکت کے بعد صحافیوں سے گفتگو کررہے تھے۔ یدی یورپا نے مزید کہا کہ وزیر اعظم کا قوم سے خطاب ، سپریم کورٹ کے ہدایات کی روشنی میں سامنے آرہا ہے، اور ریاست ہدایت کی توقع کر رہی ہے۔ “مرکز کے لئے یہ قدرتی امر ہے کہ اس وقت کے دوران ملک کو ہدایت جاری کریں۔ ہم اس پر عمل کریں گے۔”

ایک اور سوال کے جواب میں کہ کیا چیف منسٹر خود انچارج وزراء کے کام کی نگرانی کریں گے، وزیر اعلی نے کہا کہ ہدایات جاری کردی گئی ہیں اور ہر ضلع سے روزانہ رپورٹ طلب کی گئی ہے۔ “وزراء اب تک اپنے اپنے اضلاع میں چلے گئے ہیں۔”