ایس آئی او مہاراشٹر نارتھ نے 14/فروری کو ‘یوم اخلاقیات’ کا کیا اہتمام

ناگپور: 15/فروری (پی آر) شعیب عاصم جوائنٹ سیکریٹری ایس آئی او مہاراشٹر نارتھ کی اطلاع کے مطابق اسٹوڈنٹس اسلامک آرگنائزیشن آف انڈیا (ایس آئی او) مہاراشٹر نارتھ نے ویلنٹائن ڈے کے موقع پر یوم اخلاقیات کا اہتمام کیا۔ تنظیم کی سرگرمیاں تمام شعبوں میں اخلاقی اقدار کو برقرار رکھنے اور اس کے فروغ کے لئے کوشاں ہیں۔ طلباء اور نوجوانوں میں اخلاقی اقدار کے حصول کے لئے بینرز، ہورڈنگز اور پرچوں کو بانٹا گیا ۔ عوامی کانفرنسیں، اسٹریٹ ڈرامے، سوشل میڈیا مہم ، مختلف انفرادی اور اجتماعی سرگرمیاں زون کے مختلف شہروں میں فروری 14 کو منعقد کی گئیں۔

اس کا مقصد یہ تھا کہ ویلنٹائن ڈے کی تقریبات کی کمرشلائزیشن کو اجاگر کیا جائے اور طلباء سے اپیل کی جائے کہ وہ منانے سے پہلے اس کے اثرات سے واقف ہوجائیں اور اسطرح کی غیر اخلاقی رسومات سے اجتناب کریں۔

ویلنٹائن ڈے منانا ہماری ثقافت کے خلاف ہے ، یہ انسانی جذبات کے تجارتی استحصال کے سوا کچھ نہیں ہے۔ ہمیں یقین ہے کہ اس طرح کی سرگرمیاں اخلاقی اور خاندانی اقدار کو ختم کردیں گی ، لہذا ہمیں ویلنٹائن ڈے منانے میں اپنا وقت ، توانائی اور پیسہ ضائع نہیں کرنا چاہئے۔

کالجوں کے بہت سارے طلباء اور نوجوان سرگرمی میں شامل ہوئے۔ میڈیا ذمہ دار کے مطابق، طلبہ نے ایس آئی او کے ذریعہ شروع کردہ بیداری کی تحریک کی نہ صرف حمایت کی بلکہ یہ بھی وعدہ کیا کہ وہ ویلنٹائن ڈے نہیں منائیں۔