’’اگر حکومت ٹریکٹر مارچ روکنا چاہتی ہے تو قوانین کو فوری منسوخ کرے‘‘: کسان لیڈر

اب تک 147 کسانوں کی موت!

کسان موچہ نے دعوی کیا ہے کہ اس تحریک میں اب تک 147 کسانوں کی موت ہو چکی ہے۔ بیان میں کہا گیا، ’’اس تحریک میں لڑتے لڑتے یہ ساتھی ہم سے بچھڑے ہیں، ان کی قربانی رائیگاں نہیں جائے گی۔‘‘

وگیان بھون کی طرف روانہ ہونے سے قبل کسان لیڈر کا بیان

وگیان بھون کی طرف روانہ ہونے سے قبل کسان لیڈر منجیت سنگھ رائے اور راجندر سنگھ نے این ڈی ٹی وی سے کہا کہ ہمارا مطالبہ واضح ہے کہ تینوں قوانین کو منسوخ کیا جائے۔ انہوں نے کہا کہ ایسا پہلی بار ہوا ہے جب حکومت جھک رہی ہے، یعنی بات چیت اصل میں اب شروع ہوئی ہے۔ سنگھ نے کہا، ہم نے کل میٹنگ میں 26 جنوری کے ٹریکٹر مارچ پر غور و خوض کیا اور ہم اس سے پیچھے نہیں ہٹیں گے۔ انہوں نے کہا، ’’اگر حکومت ہمارا ٹریکٹر مارچ روکنا چاہتی ہے تو قوانین کو منسوخ کرے۔‘‘

وگیان بھون میں آج 11 ویں دور کی بات چیت

آج وگیان بھون میں 12 بجے ایک مرتبہ پھر حکومت اور کسان لیڈران کی بات چیت ہونے جا رہی ہے۔ دو روز قبل حکومت نے زرعی قونین کو ڈیڑھ سال تک ملتوی کرنے کی تجویز پیش کی تھی لیکن کسانوں نے اسے نامنظور کر دیا۔ دونوں فریقین آج 11ویں دور کی بات چیت کرنے جا رہے ہیں۔

کسانوں کی حمایت میں اکھلیش، ہر تحصیل میں نکالیں گے ٹریکٹر ریلی

سماجوادی پارٹی کے سربراہ اکھلیش یادو نے 26 جنوروی کو اتر پردیش میں ٹریکٹر ریلی نکال کر کسانوں کے مطالبات اور ان کی تحریک کو حمایت دینے کا اعلان کیا ہے۔ انہوں نے کہا کہ کسان اپنے ٹریکٹروں پر قومی پرچم لگا کر تحصیلوں تک آئیں گے اور سماجوادی پارٹی کی جانب سے منعقدہ یومِ جمہوریہ کی تقریب میں شامل ہونے کے بعد ریلی نکالیں گے۔