ڈاکٹر کفیل خان کی رہائی کے لئے پرینکا گاندھی نے یوگی کو لکھا خط

دہلی: آل انڈیا کانگریس کمیٹی کی جنرل سکریٹری پرینکا گاندھی نے وزیر اعلی یوگی آدتیہ ناتھ کو خط لکھ کر ڈاکٹر کفیل خان کے ساتھ انصاف کرنے کی اپیل کی ہے۔ خط میں جنرل سکریٹری پرینکا گاندھی نے لکھا ہے کہ میں ڈاکٹر کفیل خان کا معاملہ آپ کے نوٹس میں لانا چاہتی ہوں۔ انہوں نے اب تک 450 دن سے زیادہ جیل میں گزارے ہیں۔ ڈاکٹر کفیل نے مشکل حالات میں لوگوں کی بے لوث خدمت کی ہے۔ انہوں نے اپنے خط میں کہا ہے کہ مجھے امید ہے کہ آپ اپنی تمام تر حساسیت کا مظاہرہ کریں گے اور ڈاکٹر کفیل کو انصاف دلانے کی پوری کوشش کریں گے۔