ہم نے جب انگریزوں کو نکال باہر کیا تو پھر یہ کون ہیں: شاہین باغ مظاہرین

شاہین باغ مظاہرین نے مذاکرہ کاروں سنجے ہیگڑے اور سادھنا رام چندرن سے بات چیت کرتے ہوئے دہلی پولس اور مودی حکومت کو تنقید کا نشانہ بنایا۔ انھوں نے جامعہ طلبا کے خلاف دہلی پولس کی کارروائی اور جامعہ و شاہین باغ مظاہرہ میں ہوئی فائرنگ کا ایشو اٹھایا اور کہا کہ ان سب کے خلاف اب تک کوئی کارروائی کیوں نہیں ہوئی۔

مظاہرہ میں شامل ایک خاتون نے کہا کہ ’’ہم نے جب انگریزوں کو نکال باہر کیا تو پھر یہ کون ہیں، ہم انھیں بھی اقتدار سے باہر کا راستہ دکھائیں گے۔‘‘ ایک بزرگ خاتون نے سادھنا رام چندرن سے کہا کہ ’’روڈ بلاک ہونا اتنا بڑا مسئلہ نہیں ہے جتنا بڑا مسئلہ سی اے اے نافذ ہونے کے بعد ہم لوگوں کے سامنے کھڑا ہو گیا ہے۔‘‘