عبادت گاہوں میں خواتین کے داخل ہونے کا معاملہ صرف سبریمالہ کا نہیں، مسجدوں کا بھی ہے: سپریم کورٹ

سبریمالہ مندر میں سبھی عمر کی خواتین کے داخل ہونے سے متعلق سپریم کورٹ کے فیصلہ پر نظر ثانی عرضی داخل کی گئی تھی جس پر عدالت عظمیٰ نے اسے 7 رکنی بنچ کے حوالے کر دیا ہے۔ ساتھ ہی چیف جسٹس آف انڈیا جسٹس رنجن گگوئی نے کہا کہ ’’عبادت گاہوں میں خواتین کے داخلہ کا معاملہ صرف اسی (سبریمالہ) مندر تک محدود نہیں ہے، بلکہ اس میں خواتین کے مسجدوں میں داخل ہونے اور پارسی مندروں میں داخلہ ہونے کا معاملہ بھی آتا ہے۔‘‘

سپریم کورٹ نے سبریمالہ معاملہ کو 7 رکنی بنچ کے حوالے کیا

سبریمالہ مندر میں سبھی عمر کی خواتین کے داخلے کا فیصلہ سنائے جانے کے بعد نظر ثانی عرضی پر سماعت کرتے ہوئے سپریم کورٹ نے اس معاملہ کو بڑی بنچ کے حوالے کرنے کا فیصلہ سنایا ہے۔ نظر ثانی عرضی پر سماعت کرتے ہوئے عدالت عظمیٰ نے کہا کہ اس کیس کو اب 7 رکنی بنچ دیکھے گی۔