کیرالہ: نماز پڑھ کر گھر لوٹ رہے مسلم لیگ کارکن کا قتل

24 اکتوبر یعنی جمعرات کی شب کیرالہ کے ملپورم واقع تنور میں نماز پڑھ کر گھر لوٹ رہے مسلم لیگ کارکن کا قتل کر دیا گیا۔ مسلم لیگ کے لیڈروں کا کہنا ہے کہ یہ ایک منصوبہ بند قتل تھا۔ انھوں نے یہ بھی کہا کہ جس علاقے میں اس قتل واقعہ کو انجام دیا گیا وہاں پولس موجود تھی لیکن وہ اسے روکنے میں ناکام رہی۔

اس قتل واقعہ کے سلسلے میں پولس کا کہنا ہے کہ مسلم لیگ کے 36 سالہ کارکن ایم. اسحاق کا اس وقت قتل کر دیا گیا جب وہ مسجد سے نماز پڑھ کر لوٹ رہے تھے۔ قاتلوں نے تیز دھار والے اسلحہ سے ان پر حملہ کیا۔ حملے کے بعد اسحاق کو سنگین حالت میں اسپتال میں داخل کرایا گیا جہاں ان کی موت ہو گئی۔