’تانا شاہ سُن لے، سچ جیتے گا اور تکبر ہارے گا‘ سنجے راوت کی گرفتاری پر راہل گاندھی کا بیان

سرکاری ایجنسیوں کا غلط استعمال کرکے مخالفین کا حوصلہ توڑنے اور سچ کا منہ بند کرنے کی پرزور کوشش جاری ہے لیکن تانا شاہ سن لے، آخر میں ‘سچ’ جیتے گا، اور تکبر کی شکست ہوگی۔

کانگریس کے سابق صدر راہل گاندھی نے شیوسینا لیڈر سنجے راوت سے انفورسمنٹ ڈائریکٹوریٹ (ای ڈی) کی 16 گھنٹے تک پوچھ گچھ کے بعد کی گئی گرفتاری پر سخت ردعمل ظاہر کرتے ہوئے کہا کہ تکبر اور آمریت سچائی کو نہیں دبا سکتی ہے۔

‘राजा’ का संदेश साफ़ है – जो मेरे खिलाफ़ बोलेगा, वो तकलीफें झेलेगा।

सरकारी एजेंसियों का दुरुपयोग करके विरोधियों का हौसला तोड़ने और सच का मुंह बंद करने की पुरज़ोर कोशिश जारी है।

लेकिन तानाशाह सुन ले, अंत में 'सत्य' जीतेगा, और अहंकार हारेगा। pic.twitter.com/ALPxZntAHd

— Rahul Gandhi (@RahulGandhi) August 1, 2022

راہل گاندھی نے پیر کو کہا کہ مودی حکومت اپوزیشن پارٹیوں کے لیڈروں کے خلاف سرکاری ایجنسیوں کا غلط استعمال کر رہی ہے اور اس کے خلاف آواز اٹھانے والوں کو خاموش رہنے کا پیغام دینا چاہتی ہے لیکن انہیں سمجھ لینا چاہیے کہ تکبر اور آمریت جیت نہیں سکتی اور سچ کا منہ بند کرنے کی ہر کوشش ناکام ثابت ہوگی۔

انہوں نے ٹویٹ کیاکہ راجہ کا پیغام واضح ہے – جو میرے خلاف بولے گا، اسے نقصان اٹھانا پڑے گا۔ سرکاری ایجنسیوں کا غلط استعمال کرکے مخالفین کا حوصلہ توڑنے اور سچ کا منہ بند کرنے کی پرزور کوشش جاری ہے لیکن تانا شاہ سن لے، آخر میں ‘سچ’ جیتے گا، اور تکبر کی شکست ہوگی۔