دہلی: شاہین باغ میں ہنگامے کے بعد انہدامی کارروائی روکی گئی، بلڈوزر واپس

نئی دہلی: جنوبی دہلی میونسپل کارپوریشن (SDMC) کی ایک ٹیم شاہین باغ میں تجاوزات کو ہٹانے کے لیے آج بلڈوزر لے کر پہنچی، جہاں شہریت قانون (سی اے اے) کے خلاف احتجاج کیا گیا تھا، لیکن مقامی لوگوں نے اس کی سخت مخالفت کی۔ ہائی وولٹیج ڈرامے کے درمیان سیاسی جماعتوں کے لوگ بھی وہاں جمع ہو گئے۔ اس کے پیش نظر وہاں بڑی تعداد میں پولیس فورس تعینات کر دی گئی ہے۔ فی الحال تجاوزات ہٹانے کی مہم روک دی گئی ہے۔ پولیس اہلکار مقامی دکانداروں سے بات کر رہے ہیں۔