کرناٹک: سرکاری اسکولوں میں اساتذہ کی شدید کمی، صرف پرائمری کے 25 ہزار سے زائد پوسٹس خالی

بنگلورو: ریاست کرناٹک میں سب سے زیادہ اسامیاں پرائمری اسکولوں میں ہیں، بتایا جاتا ہے کہ 1,88,540 منظور شدہ اسامیوں میں سے 25,813 پوسٹیں خالی ہیں۔

ریاست بھر کے سرکاری اسکولوں کو ہر سطح پر اساتذہ کی شدید کمی کا سامنا ہے۔ کئی اسکولوں میں کچھ مضامین کے لیے اساتذہ کی کمی کی وجہ سے دستیاب اساتذہ کو کلاسیس چلانے کے لیے کافی جدوجہد کر رہے ہیں۔

محکمہ سے دستیاب اعداد و شمار کے مطابق سرکاری پرائمری اور ہائی سکولوں میں اساتذہ کی 41 ہزار سے زائد اسامیاں خالی ہیں۔ سب سے زیادہ اسامیاں پرائمری سکولوں میں ہیں جن کی 25,813 پوسٹیں خالی ہیں جبکہ 1,88,540 منظور شدہ اسامیاں ہیں۔ 52,630 منظور شدہ پوسٹوں کے مقابلے میں ہائی سکولوں میں 15,907 خالی آسامیاں ہیں

اگرچہ ریاستی حکومت نے اس سال پرائمری سکولوں میں 5 ہزار اسامیاں بھرنے پر رضامندی ظاہر کی ہے، لیکن اسکولوں کو بقیہ مہمان اساتذہ پر انحصار کرنا پڑتا ہے۔ محکمہ پبلک انسٹرکشن کے ایک سینئر عہدیدار نے بتایا کہ “یہ صورتحال ہر سال ہوتی ہے۔ مقامی سطح پر حکام کو مہمان اساتذہ کی خدمات حاصل کرنے کے لیے آزادانہ اختیار دیا گیا ہے۔

“ہم نے حکومت کو ایک تجویز بھی پیش کی ہے جس میں ہائی سکولوں کے لیے 5,500 اساتذہ بھرتی کرنے کی اجازت مانگی گئی ہے۔ یہ تجویز محکمہ خزانہ کے سامنے ہے۔ امید ہے کہ ہمیں خالی آسامیوں کو پُر کرنے کی اجازت مل جائے گی۔

مشکلات کے بارے میں بات کرتے ہوئے ، بنگلورو رورل کے ایک ہائی اسکول کے ساتھ کام کرنے والے ایک استاد نے کہا “مجھے کم از کم 3 کلاسیں سنبھالنی پڑتی ہیں کیونکہ اسکول میں صرف 2 اساتذہ ہیں اور یہ واقعی دباؤ ہے۔”

کرناٹک اسٹیٹ گورنمنٹ سیکنڈری اسکولز اسسٹنٹ ماسٹرز ایسوسی ایشن کے صدر ایچ کے منجوناتھ نے کہا کہ “ہر سال ہمیں اساتذہ کی کمی کا سامنا کرنا پڑتا ہے، لیکن اس سال ہم چیالنج محسوس کررہے ہیں کیونکہ سرکاری اسکولوں میں داخلے کی تعداد بڑھ گئی ہے۔ ہم نے حکومت سے درخواست کی ہے کہ تعلیمی سال کے وسط میں ریٹائر ہونے والے اساتذہ کو برقرار رکھا جائے اور بھرتی کا عمل تیز کیا جائے۔

منجوناتھ نے کہا کہ مہمان اساتذہ کی خدمات حاصل کرنے کا عمل کچھ اضلاع میں تکنیکی مسائل کی وجہ سے بری طرح متاثر ہوا۔ انہوں نے مزید کہا کہ ہم محکمہ سے درخواست کرتے ہیں کہ وہ فوری طور پر مہمان اساتذہ کی خدمات حاصل کریں۔(بشکریہ: ڈی ایچ)