کرناٹک کے 530 سنٹرس میں 28 اور 29 اگست کو 2 لاکھ سے زائد طلبہ لکھیں گے K-CET کا امتحان

بنگلورو: 27/اگست (اے این این) بارہویں جماعت کے بعد انجنیئرنگ و دیگر کورسیس میں داخلہ کے لیے کرناٹک میں منعقد ہونے والے کامن انٹرنس ٹیسٹ (CET-2021) کے لیے کل 2,01,816 امیدواروں نے اندراج کیا ہے، جو کرناٹک کے 530 مراکز میں 28 اور 29 اگست کو منعقد کیے جائیں گے۔ امیدواروں کو امتحان لکھتے وقت لازمی طور پر ماسک پہننا ہوگا۔

متعلقہ اضلاع کے ڈپٹی کمشنرز نے ہر امتحانی مرکز میں اسسٹنٹ کمشنر کیڈر کا ایک مبصر مقرر کیا ہے۔ وزیر اعلیٰ سی این اشوت نارائن نے ایک پریس بیان میں کہا کہ تقریبا 530 مبصرین، 1,060 اسپیشل انویجیلیشن اسکواڈ ممبران، 530 کسٹوڈینز اور تقریبا 8 8,409 انویجیلیٹرز اور 20,415 عہدیداروں کو امتحانی فرائض کے لیے تعینات کیا گیا ہے۔