میسورو پولیس CCTV فوٹیج اور موبائل ٹاور سے حاصل کررہی ہے معلومات

میسورو: 26/اگست (اے این این) میسورو گینگ ریپ کیس معاملہ میں میسورو پولیس موبائل ٹاور کا ڈمپ جمع کررہی ہے، اس سے ان موبائل فونز کی تفصیلات ملے گی جو مخصوص وقت پر اِس مقام پر فعال تھے۔ جب ایک 23 سالہ ایم بی اے کی طالبہ کو مبینہ طور پر 4 یا 5 نامعلوم افراد نے اجتماعی زیادتی کا نشانہ بنایا جب وہ جنگلاتی علاقے سے ایک مرد دوست کے ساتھ منگل کی رات واپس آرہی تھی۔ 

پولیس نے قریبی مقامات سے سی سی ٹی وی فوٹیج بھی جمع کی ہے۔ چونکہ شراب کے استعمال کے آثار ملے ہیں، پولیس شراب کی دکان کے کارکنوں سے بھی پوچھ گچھ کررہی ہے جو کہ جائے وقوعہ تک بند ہیں۔ 

پولیس نے ایک بینک ملازم سے معلومات اکٹھی کی ہے جو قریبی جگہ کا رہائشی ہے۔ ذرائع نے بتایا کہ بینک کے ملازم نے واقعہ کے دن شام ساڑھے سات بجے کے قریب سڑک پر کھڑی چار موٹر سائیکلیں دیکھی تھیں۔

بتایا جارہا ہے کہ اے ڈی جی پی پرتاپ ریڈی اور میسورو سٹی پولیس کمشنر چندر گپت نے میسورو میں جائے حادثہ کا دورہ کیا۔