کرناٹک میں 19 اور 22 جولائی کو ہوں گے 10ویں جماعت کےامتحانات

بنگلورو: 28/جون(اے این این) 10ویں جماعت ایس ایس ایل سی کے متعدد امتحانات کرناٹک میں جولائی میں دو دن کے دوران منعقد ہوں گے۔ جبکہ بنیادی مضامین کے لئے امتحانات 19 جولائی اور زبان کے امتحانات 22 جولائی کو ہوں گے۔

بنگلور میں تاریخوں کا اعلان کرتے ہوئے وزیر پرائمری اور ثانوی تعلیم ایس سریش کمار نے کہا کہ بچوں کو بغیر کسی پریشانی کے امتحانات میں شرکت کے لیے ایک محفوظ ماحول فراہم کرنے کے لئے وسیع انتظامات کیے جارہے ہیں۔

“امتحان سے پہلے اور اس کے بعد مراکز کے سامنے بھیڑ سے بچنے سے گریز کیا جائے گا۔ سیکشن 144 ہر مرکز کے ارد گرد 200 میٹر کی جگہ پر ہوگی۔ یاد رہے وزیر پرائمری اور ثانوی تعلیم کا یہ اعلان ان اضلاع کے ڈپٹی کمشنرز سے تفصیلی گفتگو کے بعد سامنے آیا ہے جن کے ساتھ انہوں نے امتحانات کی تیاریوں کا جائزہ لیا تھا۔

وہ بچے جو آبائی مقامات پر واپس ہوچکے ہیں جہاں وہ اِس وقت رہ رہے ہیں، انھیں وہیں کے قریبی امتحان سنٹر میں شرکت کی اجازت ہوگی۔ انہوں نے مزید کہا “کرناٹک کے 10,000 کے قریب طلباء نے یہ آپشن لیا ہے۔”

ہال کا ٹکٹ الیکٹرانک طور پر 30 جون کو روانہ کیا جائے گا

انہوں نے کہا کہ ہال کا ٹکٹ الیکٹرانک طور پر 30 جون کو روانہ کیا جائے گا اور وہ اداروں کے سربراہان کے ساتھ دستیاب ہوں گے۔ اگرچہ کوویڈ 19 کی علامت ظاہر کرنے والے بچوں کو مختلف کمرے مختص کردیئے جائیں گے، وہ بچے جو انفکشن کا شکار ہوچکے ہیں لیکن وہ امتحان میں حاضر ہونا چاہتے ہیں وہ قریبی COVID-19 کیئر سنٹر میں شریک ہوکر امتحان لکھ سکتے ہیں۔ 

انہوں نے مزید کہا کہ اگر کوئی بچہ امتحانات لکھنے میں ناکام رہتا ہے تو اسے اگلی امتحان میں فریشر سمجھا جائے گا۔

یاد رہے گذشتہ سال ہر کمرے میں 18 طلباء کی اجازت تھی لیکن اس بار یہ تعداد 12 کردی گئی ہے۔