وزیر داخلہ امت شاہ کو سانس لینے میں تکلیف، ایمس میں داخل

بدن درد اور سانس لینے میں تکلیف کے بعد امت شاہ ایمس میں داخل

مرکزی وزیر داخلہ امت شاہ کو ایک بار پھر سانس لینے میں تکلیف محسوس ہو رہی ہے۔ انھیں گزشتہ تین چار دنوں سے جسم میں درد، تھکن اور چکر کی بھی شکایت ہو رہی تھی جس کو دیکھتے ہوئے دیر رات تقریباً 2 بجے انھیں دہلی واقع ایمس میں داخل کرایا گیا۔ میڈیا ذرائع کے مطابق ان کا کورونا ٹیسٹ بھی کرایا گیا جو کہ نگیٹو برآمد ہوا ہے۔ ایمس کے ڈائریکٹر ڈاکٹر رندیپ گلیریا کی قیادت میں ایک ٹیم امت شاہ کی صحت کی نگرانی کر رہی ہے۔

قابل ذکر ہے کہ تقریباً ایک ہفتہ قبل امت شاہ کی کورونا ٹیسٹ رپورٹ پازیٹو آئی تھی جس کے بعد ڈاکٹروں کی سخت نگرانی میں ان کا علاج چلا تھا اور گزشتہ دنوں وہ ٹھیک ہو کر اسپتال سے ڈسچارج ہو گئے تھے۔ لیکن ایک بار پھر ان کی صحت خراب ہونے کے بعد ایمس میں داخل کیا گیا۔

Home Minister Amit Shah has been admitted to AIIMS(All India Institute of Medical Sciences) for post COVID care. He is comfortable & is continuing his work from hospital: AIIMS, Delhi

He was discharged from Medanta Hospital,Gurugram on 14 Aug, after testing negative for #COVID19 pic.twitter.com/Im85xpAii9
— ANI (@ANI) August 18, 2020