گجرات، آسام اور ہماچل پردیش میں محسوس کیے گئے زلزلوں کے جھٹکے

ہندوستان میں زلزلوں کا سلسلہ تھمنے کا نام نہیں لے رہا ہے۔ آج صبح زلزلہ کے جھٹکوں سے گجرات، آسام اور ہماچل پردیش کی زمین ڈول گئی۔ گجرات میں تو زلزلے کی شدت ریکٹر اسکیل پر 4.5 تھی جس کی وجہ سے خوفزدہ لوگ گھروں سے باہر نکل گئے۔ آسام کے کریم گنج میں بھی 4.1 شدت کا زلزلہ صبح تقریباً 8 بجے آیا۔ ہماچل پردیش کے اونا میں زلزلے کی شدت بہت زیادہ نہیں تھی اور ریکٹر اسکیل پر 2.3 شدت ہونے کا اندازہ لگایا گیا۔ فی الحال کسی بھی جگہ سے جانی و مالی نقصان کی خبر موصول نہیں ہوئی ہے۔