مودی حکومت نے ٹیکس نہ بڑھایا ہوتا تو پٹرول 66 اور ڈیزل 55 روپے لیٹر ہوتا: سرجے والا

کانگریس ترجمان رندیپ سنگھ سرجے والا نے پٹرول اور ڈیزل کی قیمتیں ایک بار پھر بڑھنے کے بعد مودی حکومت کو تنقید کا نشانہ بنایا ہے۔ انھوں نے اپنے ٹوئٹ میں لکھا ہے ’’آج پھر پٹرول-ڈیزل مہنگا۔ مودی حکومت نے ٹیکس نہ بڑھائے ہوتے تو پٹرول آج 66 روپے اور ڈیزل 55 روپے لیٹر ہوتا۔ مودی حکومت نے ٹیکس لوٹ میں نئے ریکارڈ قائم کیے۔ اعداد و شمار گواہ ہیں کہ جب خام تیل کی بین الاقوامی قیمتیں گھٹیں تو ٹیکس بڑھایا۔ اس کا فائدہ ملک کو نہیں دیا۔‘‘