پٹرول کی قیمتوں میں اضافہ مرکزی حکومت کی طرف سے مجرمانہ لوٹ: سدارامیا

بنگلورو: اشیائے ضروریہ کی قیمتوں میں اضافے کے نتیجے میں بی جے پی اور کانگریس کے درمیان گرما گرم بحث ہوئی جب سابق وزیراعلیٰ سدارامیا نے اسے ‘مجرمانہ لوٹ’ قرار دیا۔

سدارامیا نے کہا کہ چند مہینوں میں ضروری اشیاء جیسے چاول، دالیں، پٹرول، ڈیزل اور دیگر کی قیمتیں آسمان کو چھو گئیں۔ لوگ ابھی تک کوویڈ 19 کے دوران ہونے والے نقصانات سے باہر نہیں آسکے ہیں اور نہ ہی مرکز اور نہ ہی ریاست نے قیمتوں کو کم کرنے کی کوشش کی ہے۔

بی جے پی پر تنقید کرتے ہوئے سدارامیا نے کہا کہ واجپائی جو کہ جن سنگھ پارٹی کے رکن پارلیمنٹ تھے، نے حکومت کو مجرمانہ لوٹ کہہ کر اندرا گاندھی حکومت پر حملہ کیا اور بیل گاڑیوں میں پہنچ کر پارلیمنٹ کے اجلاس میں شرکت کی۔ یہ سب محض 7 پیسے کے اضافے کے لیے ہوا۔ اب میں اس حکومت کے لیے کیا الفاظ استعمال کروں اور میں وہی الفاظ استعمال کروں گا (حکومت کی مجرمانہ لوٹ)