بنگال، آسام، کیرالہ، تمل ناڈو اور پڈوچیری اسمبلی انتخابات کی تاریخوں کا ہوا اعلان

مغربی بنگال میں 8 مراحل میں ہوں گے اسمبلی انتخابات

مغربی بنگال میں 294 نشستوں کے لیے اسمبلی انتخابات ہونے ہیں اور الیکشن کمیشن نے اس کو 8 مراحل میں مکمل کرنے کا اعلان کیا ہے۔ پہلے مرحلہ میں 27 مارچ کو، دوسرے مرحلہ میں یکم اپریل کو، تیسرے مرحلہ میں 6 اپریل کو، چوتھے مرحلہ میں 10 اپریل کو، پانچویں مرحلہ میں 17 اپریل کو، چھٹے مرحلہ میں 22 اپریل کو، ساتویں مرحلہ میں 26 اپریل کو اور آٹھویں مرحلہ میں 29 اپریل کو ووٹرس اپنے حق رائے دہی کا استعمال کر سکیں گے۔ نتائج 2 مئی کو برآمد ہوں گے۔

تمل ناڈو اور پڈوچیری میں بھی 6 اپریل کو ہوگی پولنگ

الیکشن کمیشن نے تمل ناڈو ریاست اور مرکز کے زیر انتظام علاقہ پڈوچیری میں بھی ایک ہی مرحلہ میں اسمبلی انتخاب کرانے کا اعلان کیا ہے۔ ان دونوں مقامات پر 6 اپریل کو لوگ حق رائے دہی کا استعمال کر پائیں گے۔

کیرالہ میں ایک مرحلہ میں ختم ہوگا اسمبلی انتخاب

کیرالہ کی 140 نشستوں کے لیے اسمبلی انتخابات الیکشن کمیشن آف انڈیا نے ایک مرحلہ میں کرنے کا فیصلہ لیا ہے۔ الیکشن کمشنر سنیل اروڑا نے بتایا کہ 6 اپریل کو ایک مرحلہ میں کیرالہ اسمبلی انتخابات کے پیش نظر ووٹنگ کا عمل انجام پائے گا۔

الیکشن کمیشن نے آسام میں تین مراحل میں اسمبلی انتخابات کا کیا اعلان

الیکشن کمشنر سنیل اروڑا نے اعلان کیا ہے کہ آسام میں اسمبلی انتخابات تین مراحل میں ہوں گے۔ پہلے مرحلے کے لیے پولنگ 27 مارچ کو، دوسرے مرحلے کی پولنگ یکم اپریل کو اور تیسرے مرحلے کی پولنگ 6 اپریل کو ہوگی۔ ووٹوں کی گنتی 2 مئی کو کی جائے گی۔

یکم مئی سے قبل ختم ہوں گے 5 ریاستوں میں اسمبلی انتخابات

چیف الیکشن کمشنر سنیل اروڑا 4 ریاستوں مغربی بنگال، آسام، تمل ناڈو، کیرالہ اور مرکز کے زیر انتظام علاقہ پڈوچیری میں اسمبلی انتخابات کی تاریخوں کا اعلان کر رہے ہیں۔ پریس کانفرنس میں انھوں نے بتایا کہ سبھی علاقوں میں اسمبلی انتخابات یکم مئی سے قبل مکمل کر لیے جائیں گے۔ یہ فیصلہ اس لیے لیا گیا ہے کیونکہ بورڈ کے امتحانات ہونے والے ہیں۔ چیف الیکشن کمشنر نے یہ بھی بتایا کہ کئی طرح کے تہوار بھی ہونے والے ہیں جس کو دیکھتے ہوئے یکم مئی سے قبل انتخابات مکمل کرانے کا فیصلہ لیا گیا ہے۔