امریکہ تناؤ کی گرفت میں ، احتیاطی اقدام لئے گئے

امریکہ میں دونوں صدارتی امیدواروں کے درمیان کانٹے کی ٹکر جاری ہے اور جیسے جیسے گنتی کا عمل آخری مرحلہ میں داخل ہو رہا ہے ویسے ویسے تناؤ بڑھتا جا رہا ہے۔ مشیگن اور اریزونا کی ریاستوں سے خبر موصول ہو رہی ہیں گنتی کے مراکز کو احتیاط کے طور پر باہر سے بند کیا جا رہا ہے اور کسی کو نہ تو ان مراکز میں جانے کی اجازت ہے اور نہ ہی کسی کو باہر آنے کی اجازت ہے۔ خبر یہ بھی ہے کہ شیشوں کو بورڈ سے ڈھکا جا رہا ہے۔دنیا کے سب سے طاقت ور ملک امریکہ سے جو خبریں موصول ہو رہی ہیں وہ تشویش کاپہلو بنی ہوئی ہیں ۔