علاج کے لیے تڑپتی رہی مسلم خاتون نے اسپتال کے گیٹ میں دم توڑا

ایک ایسا مریض جسے علاج کی فوری ضرورت ہو اور ہو سکتا کہ بروقت علاج کے بعد اسکی زندگی بچ جائے، اس کا علاج کرنے سے انکار کرنا ارادتاً قتل یا غیر ارادتاً قتل کس زمرے میں آتا ہے یہ تو ماہر قانون ہی جانتے ہیں مگر ایسے ڈاکٹروں کو جو تڑپتے ہوئے مریض کو لاعلاج چھوڑ دیں کیا کہیں! اس کا جواب دیتے ہوئے متوفی خاتون کے رشتہ دار نے یو این آئی سے کہا، ’’انہیں ڈاکٹر تو نہیں کہا جا سکتا۔‘‘

جب ان سے پوچھا گیا کہ ڈاکٹروں کی اس لاپروائی اور عدم توجہ پر انکے خلاف آپ نے کوئی شکایت درج کروائی ہے؟ تو شیخ مناف نے انتہائی افسردہ لہجے میں کہا کہ ’’اس سے کیا ہوگا؟ جو چلا گیا وہ تو واپس آنے سے رہا۔ جب تک مودی سرکار ہے کچھ نہیں ہوگا۔‘‘

کسی عوامی نمائندے یا سوشل ورکر سے اس سلسلے میں مدد کیوں نہیں حاصل کی؟ اس سوال کے جواب میں انہوں نے بتایا کہ علاقے کی کارپوریٹر نے کے ای ایم اسپتال فون کیا تھا مگر اسپتال والوں نے اس پر بھی کوئی توجہ نہیں دی۔