ڈاکٹر انجم شکیل کی بیدرآمد پر”بیٹیاں“ تنظیم کی عہدیداران نے پیش کی تہنیت

بیدر: 17/جولائی (وائی آر) مدینہ منورہ میں مقیم ممتاز شاعر اور طبیب ڈاکٹر انجم شکیل احمد کی بیدر آمدکے موقع پر خواتین کی تنظیم ”بیٹیاں“ کی جانب سے مسیح الدین احمد قریشیہ الماس میموریل ہال، تعلیم صدیق شاہ بیدر میں ڈاکٹر انجم شکیل احمد کی شالپوشی اور گلپوشی کے ذریعہ انھیں تہنیت پیش کی گئی اور شیرینی کی تقسیم عمل میں آئی۔ ساتھ ہی ڈاکٹرصاحب کے تعاون عمل کو محترمہ سیدہ وسیم بانو،محترمہ ارم فاطمہ اورپریملابائی نے سراہا۔

ڈاکٹر انجم شکیل احمد نے اس موقع پر بیٹیاں تنظیم کی ذمہ داران کو تلقین کی کہ وہ خواتین کے ایمپاورمنٹ کے لئے آگے آئیں۔ اپنے پروگراموں کو چھوٹے نہ سمجھیں۔ کبھی کبھی ایسے ہی مل بیٹھیں۔ پروگراموں کے انعقاد کے لئے زیادہ وقفہ درست نہیں ہوتا۔ سیدہ وسیمہ بانو نے وعدہ کیاکہ پروگرام جاری رکھنے کی ہم کوشش کریں گے۔

ڈاکٹر صاحب نے مزید کہاکہ گھر سے نکل کر کچھ تعمیری کام کرنے کے مقصد سے مل بیٹھنے سے خواتین کادل بھی بہل جاتاہے۔خواتین نے اعتراف کیاکہ مسیح الدین احمد قریشیہ الماس میموریل ہال ہی ایک ایسی جگہ ہے جہاں خواتین سماجی اور فلاحی کام کے مقصد سے مل بیٹھتی ہیں۔ اس موقع پر اردو کے ممتاز شاعر جناب محمدکمال الدین شمیم کی گلپوشی بھی کی گئی۔