بیدر میں محمد جنید احمد میموریل ٹورنمنٹ کا کامیاب انعقاد

بیدر: 30/نومبر (اے ایس ایم) محمد جنید احمد میموریل فاؤنڈیشن بیدرکے زیر اہتمام نہرو انڈور اسٹیڈیم بیدر میں محمد جنید احمد میموریل ٹورنیمنٹ اسٹیٹ لیول شیٹل اوپن بیڈ مینٹن کادوروزہ27-28 نومبربروز ہفتہ،اتوارکو شاندار مقابلہ جات کا انعقاد عمل میں آیا۔فاؤنڈیشن کے سیکریٹری محمد عرفان پٹھان نے بتایا کے نہرو انڈور اسٹیڈیم بیدر میں ریاست کرناٹکا، مہاراشٹرا، تلنگانہ، آندھراپردیش کے علاوہ ضلع بھر کے مختلف نامور کھلاڑیوں نے حصہ لیتے ہوئے اپنے بہترین کھیل کا مظاہرہ کیا۔ بہترین ٹورنمنٹ کا افتتاح محترمہ زہرہ نسیم چیف سیکریٹری ضلع پنچایت بیدر نے کیا۔ ٹورنمنٹ کی سرپرستی محمد جاوید احمد کلاس ون کنٹراکٹر جے ایم کنسٹرکشن نے کی۔

اس موقع پر آرجی ناڈ گیر اسپورٹ آفیسر بیدر، بیدرکے ممتاز ماہر صحت ڈاکٹر محمد مقصود چندا صدر ضلع بیڈمینٹن اسوسی ایشن بیدر، ڈاکٹر محمد عبدالقدیر شاہین اداراجات، پرکاش بھورے سیکریٹری بیدر ضلع بیڈمینٹن اسوسیشن بیدر، شاہ اسلم پاشاہ قادری، محمد جواد احمد صدرعیدگاہ کمیٹی بیدر، محمد جمشید احمدولد محمد جنید احمد، محی عرفان، آشیش، نتن، بسپاّ، فاروق قادری، عسکرعلی مننا ایڈوکیٹ اور دیگر موجود تھے۔

کھلاڑیوں میں بچوں،نوجوانوں اور بڑھوں نے علیحدہ علیحدہ اپنے کھیلوں کا شاندار مظاہرہ کرتے ہوئے انعامات حاصل کئے۔ڈائریکٹر بیدر اربن کو آپریٹیو بینک محمد جبران احمد چئیر مین محمد جنید احمد میموریل فاؤنڈیشن بیدر کی سرپرستی میں منتخب ہونے والے کھلاڑیوں کو بدست مہمانان خصوصی نقد انعامات اور سند، مومنٹوعطا کرتے ہوئے کھلاڑیوں کی حوصلہ افزائی کی گئی۔

اس موقع پر ضلع اور پڑوسی ریاستوں کے شائقین کی بھی بڑی تعداد موجود تھی۔ حکومتی احکامات کی روشنی میں کوویڈ 19کے پیش نظر شائقین سماجی فاصلہ بنائے ہوئے تھے۔ کھلاڑیوں کے لئے بہترین انتظامات اور کھیل دیکھنے آئے ہوئے شائقین کے لئے پینے کا صاف پانی کا انتظام کیا گیا تھا۔ محمد جبران احمد چئیر مین محمد جنید احمد میموریل فاؤنڈیشن بیدر نے تالیوں کی گونج میں بتایا کے شہریان کا اسی طرح کا ساتھ رہا تو آئندہ بھی بڑے پیمانہ پر ہماری یہ کوشش جاری رہے گی۔

محمد عرفان پٹھان کی نگرانی میں مقامی کھلاڑیوں کی ایک ٹیم نے تمام مہمان کھلاڑیوں کا استقبال کیا گیا اور مہمان کھلاڑیوں کا قیام و طعام کا انتظام شاہین اداراجات بیدر، جے ایم گیسٹ ہاؤس بیدر میں کیا گیا تھا۔ کھلاڑیوں نے بہترین ضیافت کے انتظامات کو سراہتے ہوئے اپنی مسرت کا اظہار کیا۔ یہ تاریخی حیثیت کا حامل ٹورنمنٹ کا اختتام جناب محمد جمشید احمد کے اظہار تشکر پر ہوا۔