درگاہ آستانہ قادریہ بگدل میں 6/اکٹوبر کو ماہانہ حلقہ

بیدر: 4/اکٹوبر(اے ایس ایم) درگاہ آستانہ قادریہ بگدل میں ماہانہ حلقہ درس تصوف مورخہ 28 صفر المظفر 6/اکٹوبر بروز چہارشنبہ صبح ٹھیک 11:00بجے تا قبل از وقت نماز عصر ڈاکٹر الحاج خلیفہ شاہ محمدادریس احمد قادری صاحب بگدلی سجادہ نشین درگاہ آستانہ قادریہ بگدل انعقاد عمل میں آئیگا۔ سجادہ نشین درس تصوف دینگے اور خصوصی دعا فرمائیں گے۔ جلسہ درس تصوف کی کاروائی کاآغاز قرات کلام پاک سے ہوگا۔ ممتاز نعت خواں حمد، نعت اور منقبت کا نذرانہ پیش کرنے کی سعادت حاصل کریں گے۔

کورونا وائرس کے پیشِ نظر حکومتی احکامات کی روشنی میں مریدین و معتقدین کو حلقہ میں شرکت کے لئے ان شرائط پر عمل کرنا ہوگا۔ چہرے پر ماسک لازمی طور پر لگانا ہوگا۔ درگاہ شریف میں محلول(SANATIZING SOLUTION) رکھا ہوا ہے اس میں اپنے ہاتھ جراثیم سے پاک کرلیں، فاتحہ اور زیارت کرنے کے بعد فوراً واپس ہو جائیں، تاکہ دوسروں کو زیارت کا موقع ملے۔

درگاہ شریف میں داخل ہونے کے بعد کسی بھی چیز کو ہاتھ نہ لگائیں، اپنے ساتھ کوئی سامان نہ لائیں، اپنے ساتھ 10سال سے کم عمرمعصوم بچوں اور 60 سال سے زائد عمر کے ضعیف العمر حضرات کو نہ لائیں، جن حضرات کو کھانسی زکام، یا بخار ہو ان کا درگاہ شریف میں داخلہ منع ہے۔ زیارت کے لئے سماجی دوری کا خیال رکھیں رات میں قیام کی اجازت نہیں ہوگی۔ ان شرائط کی پابندی کے ساتھ حلقہ میں شرکت کی گذارش کی گئی ہے۔