بزمِ امیدِ فردا کے زیرِاہتمام ایک ملاقاتی پروگرام کا انعقاد

قرآن شفاعت کا ذریعہ: صوفی طالب اطہر قادری

بنگلور: 28/ستمبر (پی آر) بزم امید فردا کے زیر اہتمام بروز ہفتہ 25 ستمبر رات 8:30 بجے سے ”ایک ملاقات صوفی طالب اطہر کے ساتھ“ آن لائن پروگرام میں صوفی مولانا طالب اطہر قادری کا نہایت ہی کامیابی نہاد عمل میں آیا مولانا صوفی طلب اطہرلقادری کی تلاوت ربانی سے پروگرام کا آغاز ہوا جبکہ صباانجم عاشی نے نعتِ پاک کا نذرانہ پیش کیا۔ سید عرفان اللہ نے تمام آن لائن ناظرین اور مہمان و ناظم کا استقبال کیا۔ اس موقع پر مولانا صوفی طالب اطہر قادری سے کئی سوالات کئے گئے جس کا صوفی صاحب نے مطمئن بخش جواب سے ناظرین کا دل موہ لیا۔

ایک سوال کے جواب میں صوفی صاحب نے فرمایا کہ ”اللہ نے ہمیں عقلِ سلیم عطا کیا ہے ہمیں جاہل اور گمراہ باباؤں کے جال میں نہیں پھسنا چائیے بلکہ قرآن سے رجوع ہونا چائیے یقینا قرآن شفاعت کا بہترین ذریعہ ہے“ آپ نے آگے فرمایا ”ہماری ماؤں بہنوں سے خصوصی التماس ہے آپ غیر مسلم لوگوں کے دروں پر نہ جائیں بلکہ ان لوگوں سے رجوع کریں جو آپ کو قرآن و حدیث کی روشنی میں رہنمائی کرے، اگر کوئی قرآن و حدیث سے ہٹ کر بات کرے تو آپ وہاں سے بالکل ہٹ جائیں“۔

آن لائن ناظرین کے ایک سوال کے جواب میں صوفی صاحب نے بتایا کہ جو بابا یا صوفی آپ کو غیر اسلامی طریقے سے علاج کی بات کرے ان سے بچ کر نکلنے میں ہی سمجھداری ہے کیوں کہ سفلی طریقے سے آپ کا شاید علاج ہو جائے لیکن اللہ کے پاس سخت پکڑے جائیں گے۔ صوفی صاحب سے کئی سوالات کئے گئے جن کے جواب صوفی صاحب نے بہت ہی اطمانان اور صبر کے ساتھ دئے۔ صوفی صاحب سے جو سوالات کئے گئے ان میں کچھ یوں تھے:-

1مولانا طالب رضا سے صوفی طالب اطہر قادری کے سفر سے متعلق بتائیں؟
2حفظ کے بعد عملیات کی طرف متوجہ ہونے کی کیا وجہ ہے؟
3 صوفی روحانی ٹریننگ سنٹر کے آغراض و مقاصد کیا ہیں؟
4 غوث اعظم فاؤنڈیشن جے پور کے آپ سرپرست ہیں اس حوالے سے بتائیں کہ یہ فاؤنڈیشن کی کیا کارکردگی ہے؟
5 استخارہ کرنے کا آسان طریقہ کیا ہے؟
6 سانپ اور بچھو اور دیگر زہریلے کیڑے مکوڑوں کا زہر فون پر ہی دعا کے ذریعے اتارتے ہیں یہ کس طرح ممکن ہے ؟
7 لا علاج مایوس افراد کو آپ کیا پیغام دینا چاہتے ہیں؟
8 آن لائن روحانی علوم کے سکھانے کا طریقہ کیا ہے اور کون کون سے علوم اور عملیات سکھائے جاتے ہیں؟
9 روحانی علاج کے علاوہ کیا آپ جسمانی بیماریوں کا بھی علاج کرتے ہیں؟
10 کوئی بھی مرض معلوم کرنے کا کیا طریقہ ہے؟

صوفی طالب نے ان پوچھے گئے سوالات کے علاوہ آن لائن ناظرین کی جانب سے بھی عملیات سے متعلق پوچھے گئے سوالات کا جواب دیا۔ صبا انجم عاشی نے نظامت کی اور سید عرفان اللہ قادری سرپرست و بانی بزم امید فردا کے ہدیہ تشکر کے ساتھ پروگرام کے اختتام کا اعلان کیا گیا۔ مولانا صوفی طالب اطہر قادری سے اس نمبر پر 9036878692 رابطہ قائم کیا جا سکتا ہے۔