امریکہ میں کورونا وائرس سے اب تک 6.75 لاکھ افراد ہوئے ہلاک

امریکہ میں ہلاکت خیز کورونا وائرس (کووڈ 19) کی وجہ سے ہونے والی اموات کی تعداد پونے سات لاکھ سے تجاوز کر گئی ہے اور اس کے ساتھ ہی یہ ہلاکتیں 1918 میں فلو کی وبا سے مرنے والوں سے بھی زیادہ ہو گئی ہے

واشنگٹن: امریکہ میں ہلاکت خیز کورونا وائرس (کووڈ 19) کی وجہ سے ہونے والی اموات کی تعداد پونے سات لاکھ سے تجاوز کر گئی ہے اور اس کے ساتھ ہی یہ ہلاکتیں 1918 میں فلو کی وبا سے مرنے والوں سے بھی زیادہ ہو گئی ہے۔

جان ہاپکنز یونیورسٹی کے اعداد و شمار کے مطابق پیر کے روز امریکہ میں کورونا وائرس کی وجہ سے ہلاکتوں کی تعداد 6لاکھ 75 ہزار 446 ہو گئی۔ اس سے قبل 19-1918 میں فلو کی وبا کی وجہ سے تقریباً 6.75 لاکھ افراد ہلاک ہوئے تھے۔

یونیورسٹی کے سائنسدانوں کا اندازہ ہے کہ آنے والی سردیوں میں تقریباً ایک لاکھ مزید لوگ کورونا سے ہلاک ہو سکتے ہیں۔