ممبئی میں ایم ایس ایس۔جماعت اسلامی کے فار آل کووڈ کیئر سنٹر کا قیام، امیر حلقہ نے کیا افتتاح

ممبئی: 24/ مئی (پی آر) جماعت اسلامی ہند ممبئی شہر کی جانب سے میڈیکل سروس سوسائٹی (MSS)اور ہیومن ویلفیئر ٹرسٹ کے اشتراک سے كووڈ کیئر سینٹر کا کامیاب افتتاح عمل میں آیا۔ فار آل کوویڈ سینٹر کا آغاز 24 مئی بوقت 4 بجے بمقام دائرۃ الفلاح ایجوکیشن سوسائٹی وی بی نگر بالمقابل ایل آئی جی کالونی کُرلا میں ہوا۔ کو ویڈ کیئر سینٹر کا افتتاح امیرِ حلقہ جماعت اسلامی ہند مہاراشٹرا جناب رضوان الرحمٰن خان کے ہاتھوں عمل میں آیا۔

اس موقع پر بتایا گیا کہ آنے والے چند دنوں میں فار آل کوویڈ کیئر سینٹر کے ذریعے جلد ہی آسولیشن سینٹر کا بھی آغاز کیا جائے گا۔  ملک میں بڑھتی جا رہی کووڈ مریضوں کی تعداد کو مدِ نظر رکھتے ہوئے یہ ضروری محسوس ہوتا ہے کہ ایسے مراکز قائم کیے جا سکیں جہاں کوویڈ مریضوں کے لیے راحت رسانی کا کام کیا جائے۔ ساتھ ہی ساتھ جو مریض کوویڈ مرض سے لڑ کر نیگیٹیو ہو چکے، اُن کے لیے بھی پوسٹ کووڈ کی سہولت ہونا وقت کی اہم ترین ضرورت ہے۔

فار آل کووڈ سینٹر کے ذریعے مفت فیور کلینک، مفت کوویڈ چیسٹ تھیراپی، مفت کوویڈ کونسلنگ، میڈیکل و کوویڈ ہیلپ ڈیسک کی خدمات مہیّا کروائی جائے گی۔ اُمّید کی جاتی ہے کہ فار آل کووڈ سینٹر کی جانب سے راحت رسانی کے اس کام کے ذریعے بڑے پیمانے پر پریشان حال لوگوں کی مدد کی جا سکے گی۔

جماعت اسلامی ہند ممبئی اور اشتراک کرنے والے تمام اداروں کے اس اقدام کا تمام ہی مہمان و شرکا نے خیر مقدم کیا اور اس اہم کام کو وقت کی سب سے زیادہ اہم ضرورت بتایا اور حکومت کے لیے بہت بڑے تعاون سے تعبیر کیا۔آخر میں جماعت اسلامی ہند ممبئی کے صدر جناب عبد الحسیب بھاٹکر نے فار آل کوویڈ سینٹر کی خدمات اور اس کی تفصیلات سے آگاہی کی جس میں تمام شعبوں کے کاموں اور اُن کے نظم کے متعلق معلومات فراہم کی۔

 افتتاح کے دوران مہمانِ خصوصی کے طور پر جناب اشرف اعظمی (کارپوریٹر گریٹر ممبئی)، ڈاکٹر افروز شیخ(صدر ایم ایس ایس کُرلا)،ڈاکٹر جاوید شیخ(سیکریٹری ایم ایس ایس کُرلا)، ڈاکٹر امتیاز انصاری،ڈاکٹر نفیس شیخ،ڈاکٹر سلیم خان(معاون امیرِ حلقہ جماعت اسلامی ہند مہاراشٹرا)،جناب    اسلم  غازی ،عبدالکریم( گُڈوبھائی)صدر آل کُرلا کمیٹی،جناب صدیق قریشی ،عبد المتین پٹھان،ملند انّا کامبلے(سابق ایم ایل اے) وغیرہ اور دیگر عمائدین شہر شریک رہے۔