کسان جھوٹی تشہیر اور دھمکیوں سے نہیں ڈرتے: پرینکا گاندھی

کانگریس جنرل سکریٹری پرینکا گاندھی نے کہا ہے کہ ’’انگریزوں نے بھی کسانوں کی ملکیت قرق کرنے کی دھمکی دی تھی، لیکن سردار پٹیل کی قیادت میں کسان پیچھے نہیں ہٹے اور ستیہ گرہ کی جیت ہوئی تھی۔‘‘

کانگریس جنرل سکریٹری پرینکا گاندھی نے سردار ولبھ بھائی پٹیل کی برسی پر ایک ٹوئٹ کیا ہے جس میں مودی حکومت کو تنقید کا نشانہ بنایا ہے۔ انھوں نے ٹوئٹ میں لکھا ہے کہ انگریزوں نے بھی کسانوں کی ملکیت قرق کرنے کی دھمکی دی تھی، لیکن سردار پٹیل کی قیادت میں کسان پیچھے نہیں ہٹے اور ستیہ گرہ کی جیت ہوئی تھی۔

پرینکا گاندھی نے ٹوئٹ میں لکھا ہے کہ ’’بارڈولی کے کسانوں کو انگریزوں نے ملکیت قرقی جیسی تمام دھمکیاں دیں لیکن سردار پٹیل جی کی قیادت میں کسان گھبرائے نہیں اور ستیہ گرہ کی جیت ہوئی۔ سردار پٹیل جی کی برسی پر آج اس حکومت کو بتانے کی ضرورت ہے کہ کسان جھوٹی تشہیر اور دھمکیوں سے نہیں ڈرتے۔ جے ہند، جے کسان۔‘‘