جامعہ ہاشمیہ محلہ نزد دلہن دروازہ روڈ بیدر کو چرم قربانی دینے کی اپیل

بیدر:28/جولائی (اے ایس ایم)حافظ وقاری مولانا مفتی محمد فیاض الدین صدر مدرس کے بموجب جامعہ ہاشمیہ جوموقوعہ محلہ نزد دلہن دروازہ اشٹور روڈ بیدر واقع ہے بیدر کا معروف دینی اقامتی درسگاہ ہے۔ جس کو ممتاز علمائے کرام و اساتذہ کی نگرانی میں چلایاجاتاہے۔ جس میں جملہ 70طلباء علم دین کے زیور سے آراستہ ہورہے ہیں۔جامعہ ہاشمیہ میں دینی تعلیم کے ساتھ ساتھ عصری علوم کی بھی تعلیم دی جاتی ہے۔ جس میں انگریزی، حساب اور کمپیوٹر کی تعلیم دی جاتی ہے۔ جس میں میٹرک کا بھی انتظام کیا جاتا ہے۔

جامعہ ہاشمیہ میں عربی بول چال کا خصوصی نظم ہے، تجویدی قاعدہ اور ناظرہ قرآن، حفظ قرآن مجید مع تجوید دی جاتی ہے۔ جامعہ ہاشمیہ میں ضلع اور دیگر مقامات کے غریب،نادراور یتیم بچے دینی و عصری تعلیم حاصل کررہے ہیں۔جامعہ ہذا میں تعلیم حاصل کرنے والے طلباء کیلئے مفت علاج و معالجہ, قیام و طعام اور لباس کا معقول انتظام ہے۔مدرسہ اس وقت کرایہ کی عمارت میں چل رہاہے۔اور جامعہ صاحب خیر اصحاب(حضرات) کے مالی تعاون سے ہی چل رہاہے۔

مستقبل قریب میں مولوی،عالم اورا مامت و خطابت کیلئے مختصر مدتی کورس پڑھانے کا منصوبہ زیر غور ہے۔جناب حافظ سید عمر ہاشمی بانی جامعہ ہاشمیہ نے مسرت کے ساتھ بتایا جامعہ ہذا کے تقریبا 15طلبہ جو حفظ تکمیل کرچکے ہیں ہر سال زمستان پور کالونی، بسواکلیان، ظہیرآباد اور بیدر میں نماز تراویح میں قرآن مجید سنانے کی سعادت حاصل کررہے ہیں۔انہوں نے مزید بتایا کہ جامعہ ہاشمیہ میں اجتماعی قربانی کا نظم بھی کیا گیا ہے۔اورقربانی کا گوشت گھر تک پہنچایا جائے گا۔اورایسے افراد جو اپنی قربانی کا حصہ غرباء و مساکین میں تقسیم کا ارادہ رکھتے ہیں تو دیہاتوں میں غرباء میں تقسیم کرنے کا انتظام بھی کیا گیا ہے۔

مولانا مفتی محمد فیاض الدین صدر مدرس نے عید الضحیٰ کے خصوصی موقع پر ملت اسلامیہ سے گذارش کی ہے کہ وہ اپنی چرم قربانی جامعہ ہاشمیہ کو عنایت فرمائیں۔ اطلاع دینے پر جامیہ ہاشمیہ کے کارکن آکر حاصل کرینگے۔اورعطیوں کے ذریعہ یاحسب استطاعت ماہانہ، سالانہ کفالت کی ذمہ داری قبول کرکے اپنے محبوب و منفرد دینی ادارے کا تعاون کرتے ہوئے جامعہ کے مالیہ کو مستحکم کریں۔ فون نمبر9945913018, 8971045237 / 9133617218 پررابطہ پیدا کریں۔