ایس آئی او بیدر کا سروے جاری، شہر کے غریب و مستحق طلبہ میں 1200اسٹوڈنٹ کِٹس مفت تقسیم کا کیا اعلان
بیدر: یکم جولائی (پریس ریلیز) ملک کی سب سے بڑی اسلامی طلباء تنظیم اسٹوڈنٹس اسلامک آرگنائزیشن آف انڈیا (ایس آئی او) طلبہ کے تعلیمی مسائل اور ان کے حل کے لیے ہمیشہ سنجیدہ اقدامات اور سرگرمیوں کو انجام دیتی ہے۔ لاک ڈاؤن کے ایسے نازک حالات میں غریب و مستحق طلبہ کے لئے تعلیمی امداد کے طور پر اسٹوڈنٹ کِٹ کے نام سے تعلیمی اشیاء پر مشتمل 1200سے زائد اسٹوڈنٹ کِٹس مفت تقسیم کرنے کا ایس آئی او بیدر نے اعلان کیا ہے۔
ڈاکٹرارشاد نوید صدر مقامی ایس آئی او بیدر نے ایک اخباری بیان جاری ہوئے بتایا کہ لاک ڈاؤن کے پیش نظرغریب اور مزدور پیشہ افراد بہت ہی معاشی مسائل میں گِھر چکے ہیں۔ معاشی بحران کے اس دور میں جہاں غریب افراد کھانے کو تک محتاج ہوئے ہیں، وہ اپنے بچوں کی تعلیمی ترقی کو لے کر بیحد فکرمند اور تشویش میں مبتلا ہیں۔ یہ مسئلہ اُن کے بچوں کی تعلیم جاری رکھنے میں سنگین رکاوٹ اور ڈراپ آؤٹ کے لیے مجبوری بن سکتا ہے۔ بحیثیت طلبا تنظیم ایس آئی او بیدر یونٹ نے شہر کے غریب اور نادار طلباء کو مفت طلبہ کٹس (Student Kit) تقسیم کرنے کا منصوبہ بنایا ہے۔
انہوں نے کہا کہ ایس آئی او کے کارکنان شہر کے مختلف سلم بستیوں کا سروے کررہے ہیں۔اس سروے میں ایسے غریب والدین/خاندان کی نشاندہی کی جارہی ہے جو معاشی بحران کا شکار ہیں، جو اپنے بچوں کے تعلیمی اخراجات برداشت نہیں کرسکتے۔ سروے کے دوران جب ہمارے والنٹیرس طلباء کے گھروں کا دورہ کر رہے ہیں، طلباء اور ان کے والدین خوشی اور مسکراہٹ کے ساتھ ہمارا استقبال کررہے ہیں، اس کام کا خیرمقدم کر رہے ہیں۔اس سروے کی بنیاد پر جماعتِ ہشتم (آٹھویں تا دسویں) تا جماعتِ دہم کے تمام طلبہ و طالبات چاہے وہ کسی بھی مذہب/اسکول/میڈیم سے تعلق رکھتے ہوں، غریب اور مستحق فرار پاتے ہیں تو ان میں تعلیمی امداد کے طور پر ان کے لئے اسٹوڈنٹ کِٹ مفت تقسیم کرنے کا ایس آئی او بیدر یونٹ نے فیصلہ کیا ہے۔
اس موقع پر صدر مقامی ایس آئی او بیدر نے اہلِ خیرحضرات سے اس کام میں آگے بڑھ کرایس آئی او کے کارکنوں کی رہبری اور رہنمائی کرتے ہوئے عملی اور مالی تعاون پیش کرنے کی اپیل کی اورساتھ ہی تمام اہلیانِ بیدر، سوشیل ورکرس، اساتذہ و ذمہ داران سے یہ درخواست کی ہے کہ ایسے مستحق طلبہ کی نشاندہی میں تعاون کریں، تاکہ مستحق افراد تک تعلیمی اشیاء پر مشتمل یہ کِٹ پہنچائی جاسکے۔ مزید تفصیلات کے لیے موبائل نمبر 9902056749 پر رابطہ پیدا کیا جاسکتا ہے۔ جوحضرات عطیہ کرنا چاہتے ہیں، اس نمبر 9902056749 پر Google pay، Phonepay یا Paytm کر سکتے ہیں۔ مزید تفصیلات کے لیے آصف احمد9902056749 اورمحمد جنید الدین8747851283 سے رابطہ کر یں۔