امیتابھ بچن کو دادا صاحب پھالکے ایوارڈ سے نوازا جائے گا: وزیراطلاعات و نشریات

سابق سپر اسٹار امیتابھ بچن کو ہندوستانی فلموں میں بہترین تعاون کے لئے پروقار دادا صاحب پھالکے ایوارڈ سے نوازا جائے گا۔ اطلاعات و نشریات کے وزیر پرکاش جاوڈیکر نے منگل کو یہ طلاع دی۔ انہوں نے ٹوئٹ کرکے کہا کہ ہندی فلموں میں ’لیجنڈ‘ بن گئے امیتابھ بچن کو متفقہ طور پر دادا صاحب پھالکے ایوارڈکے لئے منتخب کیا گیا ہے۔

انہوں نے دو نسلوں کو اپنی اداکاری اور فن سے نہ صرف متاثر کیا ہے بلکہ حوصلہ افزائی بھی کی ہے۔ جاوڈیکر نے کہا کہ بچن کو یہ اعزاز ملنے سے نہ صرف ملک میں بلکہ بیرون ملک میں بھی ان کے مداحوں میں خوشی کی لہر دوڑ گئی ہے۔