ہم جموں وکشمیر سے متعلق مرکزی حکومت کے اقدام کی حمایت کرتے ہیں: کیجریوال

نئی دہلی: 5 اگست- دہلی کے وزیر اعلی اروند کیجریوال نے مرکزی حکومت کی جانب سے آئین کے آرٹیکل 370 کو ختم کرنے کے فیصلے کی تعریف کرتے ہوئے کہا ہے کہ عام آدمی پارٹی (اے اے پی) جموں وکشمیر سے متعلق حکومت کے اقدام کی حمایت کرتی ہے۔ آپ کے کنوینر ، مسٹر کیجریوال نے پیر کو ٹوئیٹ پر کہا ، ’’ہم جموں و کشمیر سے متعلق حکومت کے اس فیصلے کی حمایت کرتے ہیں۔ ہمیں امید ہے کہ اس اقدام سے ریاست میں امن بحال ہوگا اور ترقی کی رفتار تیز ہوگی۔ ‘‘

دریں اثنا دہلی خواتین کمیشن کی صدر سواتی مالیوال نے جموں وکشمیر سے متعلق اس فیصلے پر وزیر اعظم نریندر مودی اور مرکزی وزیر داخلہ امت شاہ کو مبارکباد دی ہے۔محترمہ مالیوال نے ٹویٹ کیا ، ’’آرٹیکل 370 کے خاتمے اور جموں و کشمیر کو مکمل طور پر ہندوستان میں شامل کرنے کے فیصلےکا دل سے خوش آمدید۔بہتر سال کی غلطی کی اصلاح کرنے کے لئے وزیر اعظم نریندر مودی اور مرکزی وزیر داخلہ امت شاہ کو مبارکباد۔ ہندوستان کی یکجہتی اور سالمیت کا ہر قیمت پر تحفظ کیا جانا چاہئے۔

اہم بات یہ ہے کہ پیر کے روز حزب اختلاف کی ہنگاموں کے درمیان مسٹر شاہ نے راجیہ سبھا میں آرٹیکل 370 کو ختم کرنے کی تجویز پیش کی۔ اس کے ساتھ ہی ، انہوں نے جموں و کشمیر کو یونین علاقہ کا درجہ دینے اور لداخ کو اس سے علیحدہ کرنے کے لئے ایک بل بھی پیش کیا تاکہ اس کو مرکزی خطہ بنایا جائے۔
مسٹر شاہ نے جموں و کشمیر تشکیل نو بل ، 2019 پیش کیا اور کہا کہ لداخ کو مرکزی خطے کا درجہ دیا جائے گا اور وہاں کوئی قانون ساز اسمبلی نہیں ہوگی۔