اودگیر: بورڈ آف اسلامک ایجوکیشن امتحان میں کامیاب طلباء میں تقسیم کیے گئےاسنادو انعامات

اودگیر: 4 جولائی (اے این ایس) ڈاکٹر زید کی اطلاع کے مطابق الہلال اردو پرائمری اسکول میں بورڈ آف اسلامک ایجوکیشن (BIE) کی جانب سے فرسٹ کلاس طالبات کو انعامات ( کتابیں نیز میڈل) دئیے گئے۔اسکول کے ہیڈ ماسٹر محترم نسیم دائمی سر کی خصوصی دلچسپی اور اساتذہ کرام کی محنت سے امتحان میں شریک سبھی طلباء فرسٹ کلاس پوزیشن سے کامیاب ہوۓ۔

یہ امتحان دو سالہ اسلامک سرٹیفکیٹ کورس (بنگلور) کے تحت ہوتے ہیں جسمیں سال اول میں (سچا دین اؤل ، بڑوں کا بچپن) یہ دو کتابیں اور سال دؤم میں (سچا دین دؤم ، ہمارے بزرگ، نیک بیبیاں) شامل نصاب ہیں۔

بورڈ کا مقصد طلباء و نوجوانوں میں بنیادی طور پر دینی شعور بیدار کرنا اور عملی میدان میں اسلام کے مطابق اپنی زندگی کو سنوارنا ہے۔تنبولی مہک حسین نے 74 فیصد مارکس حاصل کرکے اسکول میں اؤل مقام حاصل کیا۔

بورڈ کی جانب سے نسیم دائمی سر کو سینٹر کا بہترین کو آرڈینیٹر ایوارڈ جناب رفیع فاروقی صاحب صدر الہلال ایجوکیشن سوسائٹی کی جانب سے دیا گیا۔

کرناٹک بورڈ کے تحت اس سال 15600 طلباء نے ریاست بھر سے شرکت کی جسمیں اودگیر سے زائد از 400 طلباء شامل رہے خاص طور پر پانچ وطنی بہنیں ( غیر مسلم ) بھی شریک امتحان رہیں ۔ اور پانچوں نے ڈسٹنکش مارکس حاصل کئے جسمیں فرسٹ آنے والی طالبہ نے ٪ 98 دؤم نے٪ 97 اور سؤم ن٪ 94 فیصد حاصل کیا۔

صدر محترم نے ان کاوشوں کو مزید مستحکم کرنے کے ساتھ اپنی نیک خواہشات کا اظہار کیا۔