محمد معظم امیر مقامی جماعت اسلامی ہند، شہر بیدر مقرر

بیدر: 6/ جون (پی این) محمد آصف الدین میڈیا انچارج جماعت اسلامی ہند بیدر کی جاری کردہ پریس نوٹ کے مطابق جماعت کی نئی چار سالہ میقات (اپریل2023 تا مارچ 2027) کے پہلے 2 سال (2023تا 2025) کے لیے مقامی نئے ذمہ داران کا سید سعادت اللہ حسینی امیر جماعت اسلامی ہند نے تقرر کیا ہے۔

مرکز جماعت کے سرکلر کے مطابق محمد معظم امیر مقامی شہر بیدر مقرر کیے گئے ہیں۔ جنہوں نے اپنی ذمہ داری اور عہدہ کا چارج سابق امیر مقامی سیدعبد الستار سے حاصل کر لیا ہے۔

بعد اذاں محمد معظم نے محمد عارف الدین اور سید ابراہیم کو معاونین امیر مقامی بیدر جبکہ حافظ وانجینئر سید عتیق اللہ کو سکریٹری مقامی بیدر نامزد کیا ہے۔

محمد معظم امیر مقامی نے جماعت کی پالیسی و پروگرام کو رو بہ عمل لانے کے لیے اپنے عزم کا اظہار کرتے ہوئے تما م سے تعاون کی اپیل کی ہے۔