شیوسینا لیڈر اور MP سنجے راؤت کے خلاف FIR درج

سنجے راؤت کے خلاف بی جے پی کی خواتین ونگ کارکن نے منڈاولی پولیس اسٹیشن میں ایف آئی آر درج کرائی ہے۔ اس نے اپنی شکایت میں الزام لگایا ہے کہ راؤت کا بیان خواتین کی تضحیک ہے۔

نئی دہلی: شیوسینا کے راجیہ سبھا ممبر سنجے راوت کے خلاف دہلی کے منڈاولی پولیس اسٹیشن میں ایک ٹی وی انٹرویو میں بھارتیہ جنتا پارٹی (بی جے پی) کے کارکنوں کے خلاف مبینہ طور پر قابل اعتراض تبصرہ کرنے کے الزام میں مقدمہ درج کیا گیا ہے۔

پولیس ذرائع کے مطابق شیوسینا کے رکن اسمبلی کے خلاف بی جے پی کی خواتین ونگ کی کارکن راوت نے منڈاولی پولیس اسٹیشن میں ایف آئی آر درج کرائی ہے۔ خاتون کارکن نے اپنی شکایت میں الزام لگایا ہے کہ سنجے راوت کا بیان نہ صرف خواتین کی تضحیک ہے بلکہ اس سے بی جے پی کی خواتین کارکنوں کے وقار کو بھی ٹھیس پہنچی ہے۔

انہوں نے الزام لگایا کہ ایک مراٹھی نیوز ٹی وی کو انٹرویو دیتے ہوئے سنجے راوت نے بی جے پی کارکنوں کے بارے میں قابل اعتراض تبصرہ کیا تھا۔ ذرائع کے مطابق سنجے راوت کے خلاف تعزیرات ہند کی دفعہ 500 اور 509 کے تحت ایف آئی آر درج کی گئی ہے۔