حضرت الحاج سید محمد حسین عالم قادری شطاری ناگوری ؒ کا سالانہ صندل 10/جولائی کو ہوگا
بیدر: 8/جولائی (اے ایس ایم) حضرت الحاج سید محمد حسین عالم قادری شطاری ناگوریؒ کاسالانہ 39 واں صندل شریف انتہائی عقیدت و احترام کے ساتھ منایا جائیگا۔ تفصیلات کے مطابق 28ذیقعدہ م 10 جولائی بروزہفتہ صبح محفل قل، فاتحہ خوانی درگاہ آستانہ قادریہ بگدل شریف میں انعقاد میں آئیگااور صندل مالی کی خصوصی خدمات پیرطریقت ڈاکٹر الحاج خلیفہ شاہ محمدادریس احمد قادری صاحب بگدلی سجادہ نشین درگاہ آستانہ قادریہ بگدل علماء مشائخین کی موجودگی میں انجام دیں گے دیں گے، درس تصوف دینگے اور خصوصی دعاء فرمائینگے۔بعددرس تصوف محفل سماع کا انعقاد عمل میں آئیگا۔
ممتاز قوال عزیز خسرو سنگا ریڈی، معین دلشادحیدرآباد ساز پر نعتیہ،عرفانی،منقبتی،اور صوفیانہ کلام قبل از وقت نمازعصر پیش کرینگے۔جلسہ کی کاروائی کاآغاز قرات کلام پاک سے ہوگا۔ممتاز نعت خواں حمد، نعت اور منقبت کا نذرانہ پیش کرنے کی سعادت حاصل کریں گے۔ کورونا وائرس کے پیش نظر حکومتی احکامات کی روشنی میں مریدین و معتقدین کو حلقہ میں شرکت کے لئے ان شرائط پر عمل کرنا ہوگا۔کورونا ٹیسٹ کی تاز ہ ر پورٹ (سرٹیفکٹ) ساتھ لانا ہوگا، چہرے پر ماسک لازمی طور پر لگانا ہوگا، آستانہ قادریہ میں داخلہ سے پہلے ٹیمپریچر چیک کیا جائیگا۔احاطہ درگاہ شریف میں جو راستہ آمد ورفت کے لئے بنایا گیا ہے اُس پر عمل کرنا ہوگا۔ درگاہ شریف میں محلول(SANATIZING SOLUTION) رکھا ہوا ہے اس میں اپنے ہاتھ جراثیم سے پاک کرلیں۔
فاتحہ اور زیارت کرنے کے بعد فوراً واپس ہو جائیں، تاکہ دوسروں کو زیارت کا موقع ملے، درگاہ شریف میں داخل ہونے کے بعد کسی بھی چیز کو ہاتھ نہ لگائیں، اپنے ساتھ کوئی سامان نہ لائیں، اپنے ساتھ 10سال سے کم عمرمعصوم بچوں اور 60 سال سے زائد عمر کے ضعیف العمر حضرات کو نہ لائیں، جن حضرات کو کھانسی زکام، یا بخار ہو ان کا درگاہ شریف میں داخلہ منع ہے۔ زیارت کے لئے سماجی دوری کا خیال رکھیں رات میں قیام کی اجازت نہیں ہوگی۔ ان شرائط کی پابندی کے ساتھ حلقہ میں شرکت کی گذارش کی گئی ہے۔