سینئر صحافی ونود دوا کے خلاف ملک دشمنی کے معاملہ میں درج FIR منسوخ
نئی دہلی: سپریم کورٹ نے جمعرات کے روز سینئر صحافی ونود دوا کے خلاف ہماچل پردیش میں بی جے پی کے ایک مقامی رہنما کی طرف سے ملک دشمنی کے الزامات کے تحت درج کرائی گئی ایف آئی آر کو منسوخ کر دیا۔ ونود دوا پر الزام تھا کہ انہوں نے یوٹیوب شو پر وزیر اعظم اور مرکزی حکومت کے خلاف بیان دے کر ملک کے خلاف بغاوت کی ہے۔ ہماچل پردیش حکومت اور اس معاملے میں شکایت کنندہ کے وکیل کے دلائل سننے کے بعد جسٹس یو یو للت اور جسٹس وینیٹ سرن کے بنچ نے 6 اکتوبر 2020 کو فیصلہ محفوظ رکھا تھا۔